Dhunohet me sende të forta në Sarandë zyrtari i PD, shoqërohen disa persona! Zhupa: Policia të zbardh ngjarjen

Deputetja e zgjedhur e PD, Ina Zhupa ka denoncuar rastin e dhunimit të aktivistit të PD në Sarandë nga persona të panjohur, duke thënë se qytetarët sot nuk janë më të mbrojtur. Zhupa kërkon që drejtësia të zbardh rastin, ndërsa shton se drejtësia sot është në duart e më të fortëve.

“Sot në Shqipëri askush nuk është më i sigurt. Në mes të ditës, në mes të qytetit turistik të Sarandës, Marjel Mejdi, aktivist i PD, qytetar model nga fisi Mejdi është goditur barbarisht nga persona te panjohur. I bëj thirrje autoriteteve policore të hetojnë pa humbur kohë ngjarjen dhe të vënë para drejtësisë autorët për të marr dënimin e merituar. Vendi po bëhet çdo ditë e me i pasigurt. Qeveria  sic po dëshmohet gjithnjë e me shumë është në shërbim të krimit dhe policia garante e tij.  Drejtesia është në duart e më të fortit, me të pasurit e më te pushtetshmit. Qytetari është viktima e regjimit Rama- Doshi”, shkruan ZHupa.

39-vjeçari Marjel Mejdini, koordinator politik i PD-së për Tiranën, është dhunuar ditën e sotme me sende të forta nga disa persona në afërsi të portit në Sarandë.  Sipas policisë, ngjarja dyshohet se ka ndodhur si pasojë e një konflikti të çastit.