Dhunoi djalin 3-vjeçar të bashkëjetueses duke i shkaktuar fraktura, njerku dënohet me 8 vite burg! Si ndodhi ngjarja makabre 2 vite më parë

Njerku Alfred Kazanxhi dhe djali i bashkëjetueses

Njerku Alfred Kazanxhi dhe djali i bashkëjetueses

Alfred Kazanxhi, njerku 37-vjeçar që dhunoi fëmijën 3-vjeçar të bashkëjetueses së tij në vitin 2020, është dënuar nga gjykata me 12 vite burg. Kazanxhi përfiton ulje të dënimit dhe përfundimisht është dënuar me 8 vite burg nga Gjykata e Tiranës.

Kazanxhi kërkoi ndryshim të vendimit në Gjykatën e Apelit nga “Keqtrajtim i të miturit” në atë të “Braktisje e të miturit”, por pas shqyrtimit, Apeli vendosi lënien në fuqi vendimin e Gjykatës së Tiranës.

Ngjarja makabër ka ndodhur në prill të vitit 2020 në Kamëz. 37-vjeçari asokohe keqtrajtoi djalin 3-vjeçar të bashkëjetueses duke i shkaktuar fraktura të rënda. Më pas, i mituri përfundoi në gjendje të rëndë në spitalin e Traumës.

Vogëlushi është dërguar më 24 prill në orën 12.00 në Spitalin e Traumës nga nëna dhe bashkëjetuesi i saj, ndërsa sipas mjekëve gjendja ishte shumë e rëndë me shenja dhune dhe fraktura në gjithë trupin.

Report Tv mësoi ekskluzivisht në vitin 2020 se nga dëshmia e mjekes që është kujdesur e para për të voglin, 3-vjeçari i është shprehur: Më rrahu mami dhe babi.

“Ankohej për dhimbje, kërkonte mamanë e tij dhe qante vazhdimisht”, është shprehur mjekja asokohe.

Gruaja, A.Hoxha ndodhej tek fqinjët, ku prej disa muajsh punonte në familjen e tyre për pastrim dhe për t’u kujdesur për vajzën e tyre invalide. Prej dy muajsh, A.Hoxha dhe bashkëjetuesi Alfred Kazanxhi jetonin me qira në një apartament në lagjen “Bulevardi Blu” në Kamëz, ndërsa më herët kishin jetuar në zonën e “Ali Demit” në Tiranë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se Presidenti i ri do të jetë një prej emrave të propozuar nga opozita?



×

Lajmi i fundit

John

Ndihma për Ukrainën, Biden: Populli i Shteteve të Bashkuara qëndron së bashku me popullin trim të Ukrainës