Maliq - Një 42-vjeçar nga fshati Zvirinë ka rënë në prangat e policisë për veprat penale "Goditjet për shkak të detyrës" dhe "Dhunimi i banesës".

Sipas njoftimit zyrtar bëhet me dije se i arrestuari ka dhunuar një 24-vjeçar me detyrë inspektor në OSHEE, me pretendimin se ky i fundit i kishte ndërprerë energjinë elektrike, sepse 42-vjeçari ishte debitor.

42-vjeçari gjithashtu i ka shkuar në banesë të riut ku e ka fyer dhe ka tentuar t'i godasë edhe të atin. 

“Specialistët për Hetimin e Krimeve të Komisariatit të Policisë Maliq arrestuan në flagrancë shtetasin N. T., 42 vjeç, banues në fshatin Zvirinë, Maliq, për veprat penale "Goditjet për shkak të detyrës" dhe "Dhunimi i banesës". Ky shtetas ka goditur për shkak të detyrës shtetasin Z. M., 24 vjeç, banues në fshatin Zvirinë, me detyrë inspektor në OSHEE, me pretendimin se dy muaj më parë Z. M., i kishte ndërprerë energjinë elektrike, sepse 42-vjeçari ishte debitor. Më pas shtetasi N. T., i ka shkuar në banesë shtetasit Z, M., dhe e ka fyer si dhe ka tentuar të godasë babain e 24-vjeçarit”, njoftoi sot policia.