Dialogu Kosovë-Serbi, Lavrovi i del në krah Beogradit, kritikon Perëndimin për asociacionin: Po mashtroni serbët

Dialogu Kosovë-Serbi, Lavrovi i del në krah Beogradit, kritikon Perëndimin për asociacionin: Po mashtroni serbët

Ministri i Jashtëm rus, Sergei Lavrov

Ministri i Jashtëm rus, Sergei Lavrov, ka bërë një reagim për herë të parë për dialogun Kosovë-Serbi. Lavrovi ka folur për herë të parë për asociacionin duke kritikuar Perëndimin.

Në forumin e titulluar “Dialogu rus”, Lavorvi i ka dalë krah Serbisë duke kritikuar Perëndimin se po i mashtron për asociacionin njëlloj siç po mashtron Federatën Ruse në lidhje me marrëveshjen e Minskut.

“E njëjta histori, mashtrimi i serbëve në lidhje me Asociacionin e komunave serbe në Kosovë dhe mashtrimi i Rusisë në lidhje me Marrëveshjen e Minskut” – tha Lavrov, transmeton Danas.

Kujtojmë se Kurti ka paraqitur në seancën e jashtëzakonshme në Kuvendin e Kosovës për dialogun me Serbinë, 6 kushtet për krijimin e asociacionit. Kurti kërkon ndryshim të asociacionit të nënshkruar më 2013 i cili u hodh poshtë nga Gjykata Kushtetuese. Gjykata Kushtetuese e Kosovës konstatoi më 23 dhjetor të vitit 2015, se parimet e përgjithshme të Asociacionit, të dakorduara po atë vit mes Kosovës dhe Serbisë, nuk ishin tërësisht në përputhje me frymën e Kushtetutës së Kosovës. Kushtetuesja ka thënë se ky asociacion mund të formohet, nëse harmonizohen me Kushtetutën ato parime që nuk janë në harmoni me të.

6 kushtet e Albin Kurtit: 

  • Asociacioni duhet të jetë në përputhje me Kushtetutën dhe ligjet në fuqi të Republikës së Kosovës;
  • Nuk mund te jetë monoetnik, duhet të ndërrojë emri, nuk mund të bartë asnjë pushtet publik;
  • Duhet të ketë reciprocitet të të drejtave çfarëdo të drejta për serbët në Kosovë duhet të ketë edhe për shqiptarët në Serbi;
  • Para vendosjes së Asociacionit, duhet të shuhen strukturat ilegale në veri dhe armët ilegale duhet të dorëzohen;
  • Asociacioni mund të jetë pjesë e marrëveshjes finale vetëm pas njohjes reciproke me ç'rast Serbia t’i ketë pranuar parimet e kartës së OKB-së;
  • Dhe e fundit, Vuçiçi të tërheq letrat mosnjohjes që ka dërguar ndaj pesë shteteve të Bashkimit Evropian." – tha Kurti.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares



×

Lajmi i fundit

Ukraina dhe Rusia shkëmbejnë 90 robër lufte, më i madhi midis dy vendeve

Ukraina dhe Rusia shkëmbejnë 90 robër lufte, më i madhi midis dy vendeve