POP 5

Lajmet më të lexuara të 5 minutave të fundit

Kosova & Rajoni

Asnjë progres në dialogun Kosovë-Serbi në Bruksel! Bislimi: Në shtator nuk do të ketë takim Kurti-Vuçiç

Pas takimeve të ditës së djeshme mes delegacioneve të Kosovës dhe Serbisë me të dërguarin e posaçëm të BE-së, Miroslav Lajçak ditën e sotme pritet të mbahet një takim i përbashkët mes palëve.  Por, të martën palët nuk kanë rënë dakord as për temat e rendit të ditës që duhen të diskutohen në takimin trepalësh.

 

Mbyllen sërish pa një rezultat bisedimet Kosovë –Serbi në Bruksel. Takimi i 8 shtatorit u mbajt pavarësisht se palët një ditë më herët thanë se nuk kanë arritur pajtim as për rendin e ditës së takimit trepalësh.

Udhëheqësi i delegacionit të Kosovës në dialogun me Serbinë, Besnik Bislimi theksoi se tema kryesore e diskutimit ishte çështja e të pagjeturve të Luftës.

Ndërkohë që konfirmoi se gjatë këtij muaji nuk do të ketë takim ndërmjet kryeministrit të Kosovës, Albin Kurti dhe presidentit të Serbisë, Aleksandër Vuçiç.

"Nuk ka përparim të mjaftueshëm të prekshëm për të organizuar një takim të udhëheqësve”, tha Bislimi pas përfundimit të takimit me delegacionin serb, të ndërmjetësuar nga Bashkimi Evropian.

Më 7 shtator, delegacioni i Kosovës, i udhëhequr nga zëvendëskryeministri, Besnik Bislimi ka diskutuar me BE-në për temën e të pagjeturve të luftës, energjetikës, targave të veturave dhe për vizitat zyrtare, pasi Prishtina zyrtare ia ndaloi hyrjen shefit të delegacionit të Serbisë për Kosovën Petar Petkoviç.

Kosova, sipas zëvendëskryeministrit Bislimi, nuk dëshiron që të diskutohet sërish për marrëveshjet e arritura më herët në kuadër të dialogut, por do vetëm të diskutohet për zbatimin e tyre.

Për disa marrëveshje të arritura më herët, siç është ajo për targat e veturave, të cilës së shpejti i skadon afati kalimtar, siç ka paralajmëruar Besnik Bislimi, Kosova do të përdorë parimin e reciprocitetit.

Delegacioni i Serbisë, ndërkaq, ka insistuar që të diskutohet për formimin e Asociacionit të komunave me shumicë serbe, për Marrëveshjen për drejtësi, atë të vizitave zyrtare dhe për çështjen e të zhdukurve.

Takime dhe bisedimet teknike janë edhe më të rëndësishme pasi parapërgatisin terrenin për takimin e radhës me Kurtit dhe Vuçiç që pritet të ndodhë në fund të shtatorit.

Takimi i fundit në nivelin e lartë është zhvilluar më 19 korrik, por ai nuk ka prodhuar ndonjë rezultat konkret.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46