Dialogu, Vuçiç 'zbut' tonet pas takimet me Palmer dhe Lajçak: Besoj në arritjen e një kompromisi me Kosovën

Presidenti i Serbisë, Aleksandër Vuçiç e ka cilësuar si pozitiv takimin me përfaqësuesin special të BE-së për dialogun Kosovë-Serbi, Miroslav Lajçak dhe zëvendës Ndihmës Sekretarin Amerikan të Shtetit, Matthew Palmer.

Pas përfundimit të takimit, Vuçiç shkroi në një postim në Facebook se beson në arritjen e një kompromisi mes dy vendeve.

 “Bisedë e mirë me përfaqësuesin special të BE-së për dialogun Beograd – Prishtinë dhe çështjet tjera rajonale të Ballkanit Perëndimor, Miroslav Lajçak dhe me përfaqësuesin special të Departamentit të Shtetit për Ballkanin Perëndimor, Matthew Palmer. Së shpejti vazhdimi i dialogut me Prishtinën dhe besoj në një mundësi për arritje të një zgjidhjeje kompromisi”, ka shkruar Vuçiç në rrjetet sociale.

LEXO EDHE:
Me mesataren më të lartë mes 600 të diplomuarve, shqiptari Laert Sallaku oficeri më i ri në New York

Të hënën, Lajçak dhe Palmer ishin në Kosovë, ku u takuan me krerët e institucioneve kosovare. 

TAG:
• BE
• SHBA
• kosove
• aleksander vucic
• serbi
• mathew palmer
• Miroslav Lajcak
• Dialogu Kosovë Serbi