DIBËR- Një person është arrestuar mëngjesin e sotëm nga policia e Dibrës pasi në banesën e tij janë gjetur rreth 3 kg kanabis dhe rreth 30 metër kub lëndë drusore të prera në pyll në mënyrë të paligjshme. 

Në pranga ka rënë Maksim Prençi, 42 vjeç banues në Muhurr . Sipas njoftimit të policisë, droga ishte e fshehur në çatinë e shtëpisë e futur në dy thasë dhe në tre qese plasmasi.

Gjithashtu pranë banesës së tij janë gjetur dhe konfiskuar 30 m kub lëndë drusore. Për këtë arsye njoftimi i shërbimit pyjor kamë marrë masë administrative ndaj 42- vjeçari me 500 mijë lekë.

Policia e Dibrës njofton se në pranga ka rënë dhe Sami Toçi, 58 vjeç pasi akuzohet për prodhim dhe armëmbajtje pa leje.

Gjatë kontrollit të ushtrua në banesën e 58- vjeçarit janë gjetur dhe sekuestruar një armë zjarri automotik model 56 (Kallashnikov), si dhe një sasi prej 130 copë fishkë luftarak model 56 të futura në një thes.

Redaksia Online
(B.K/Shqiptarja.com)