Një prokuror në Dibër ka rënë preh e dhunës nga roja e godinës së Gjykatës dhe shkak për këtë është bërë një vend parkimi.

Sipas policisë së Dibrës, ka qenë Arben Zeqja 53-vjeç i cili është konfliktuar me prokurorin T.D. të ambientet e parkimit të automjeteve të Gjykatës dhe Prokurorisë ku i ka prerë rrugën në mes prokurorit që ka qenë duke parkuar automjetin e tij privat.

Pas zënkës me fjalë, 53-vjeçari ka goditur me grusht prokurorin i cili pas konfliktit ka njoftuar policinë e cila ka prangosur Zeqajn dhe ka filluar procedimin penal ndaj të vëllait.
 
Ja njoftimi zyrtar i policisë Dibër.
Konfliktohet me Prokurorin, arrestohet në flagrancë.
Procedohet penalisht në gjendje të lirë vëllai i tij,(punonjës  i sigurisë i Gjykatës Dibër).
Nga Specialistët për Krimet në Komisariatin e Policisë Dibër u  bë arrestimi  në flagrancë, për veprat penale   “Goditje për shkak të detyrës“ dhe  “ Kundërshtim dhe goditja e Prokurorit dhe Gjykatesit“,  të parashikuara nga nenet 316 dhe 237 te Kodit Penal,  i   shtetasit:
 Arben  Zeqja, 53 vjeç,  lindur dhe banues në Peshkopi- Dibër.
Si dhe  filloi procedimi  penal në gjendje të lirë për shtetasin:
T. Z,   56 vjeç,   me detyrë punonjës i sigurisë  në Gjykatën e rrethit gjyqesor Diber, për veprat  penale të “Shpërdorimit të detyrës  “ dhe  “Goditjes për shkak të detyrës“, të parashikuara nga neni  248 dhe 237  të  Kodit Penal , pasi :
Keta shtetas në bashkëpunim me njëri -tjetrin për shkak të një konflikti të çastit  janë konfliktuar me  Prokurorin pranë Prokurorisë së rrethit Gjyqësor Dibër, shtetasin  T.D, në sheshin e parkingut të automjeteve të Gjykatës së rrethit Dibër.
(Shtetasi i arrestuar kishte parkuar automjetin e tij privat në parkingun e Prokurori- Gjykatës,  ku më pas  kishte parkuar edhe Prokurori, duke i  bllokuar rrugën shtetasit të arrestuar.
Shtetasi i arrestuar është konfliktuar verbalisht e më pas  fizikisht  me Prokurorin,  por  pa i shkaktuar dëmtime fizike  Prokurorit,  ku në konflikt është përfshirë edhe vëllai i tij që punon në gjykatë).
Materialet i kaluan Prokurorisë së rrethit Gjyqësor Dibër për veprime të mëtejshme.

Redaksia Online
(F.T/shqiptarja.com)