Dibër/ 4 të sëmurë të izoluar nga bora, 20 banorët e fshatit Shumbat hapin me lopatë rrugën

20 banorë të fshatit Shumbat në Dibër janë detyruar këtë fundjavë që të organizohen me lopata e të hapin dhe pastrojnë 3 km rrugë nga dëbora, për të mundësuar për në spital transportin me furgon të 4 të sëmurëve.

Banorët kanë treguar se fadroma ka hyrë dhe ka hapur vetëm disa dhjetra metra, e më pas është kthyer. 

Situata është e njëjtë edhe në fshatrat e tjerë të njësisë Sllovë. Edhe në Dipjakë banorët kanë dalë të hapin vetë rrugë, që deri më tani rezultojnë të pakalueshme nga masa e dëborës.

Banorët e këtyre fshatrave janë vizituar nga deputeti i Partisë Demokratike, Xhemal Gjunkshi, i cili ka kërkuar nga institucionet vendore e qendrore të ndërhyjnë urgjent në hapjen e rrugës, si dhe të ndihmojnë me ushqime për këta banorë.

Banorët e fshatit Shumbat, të mobilizuar për hapjen dhe pastrimin e rrugës nga dëbora

TAG:
• moti i keq
• Diber
• reshjet e debores
• fshati Shumbat