Dibër/ Rruga e Arbrit dhe bypassi Qafë-Murrizë të bllokuara! Policia tregon akset e kalueshme vetëm me zinxhirë

Policia Rrugore e Dibrës ka njoftuar se për shkak të reshjeve të vazhdueshme të dëborës rruga e Arbrit pjesa e aksit të bypassit Qafë-Murrizë mbeten të paaksesueshme. 

Po ashtu, raportohet se lëvizja e automjeteve drejt Tiranës dhe anasjelltas, vijon të kryhet nga aksi i vjetër rrugor.  

Ndër të tjera, blutë bëjnë me dije se akset rrugore Peshkopi-Maqellarë- Bulqizë dhe Peshkopi-Kala e Dodës -Kukës janë të kalueshme dhe lëvizja e mjeteve kryhet vetëm me zinxhirë.

“Aktualisht rruga e Arbrit pjesa e aksit të bypass Qafë Murrizë për shkak se vijojnë të bien reshje të dendura  dëbore,  vijon të jetë i bllokuar dhe lëvizja e automjeteve drejt Tiranës dhe anasjelltas, vijon të kryhet nga aksi i vjetër rrugor.  

Akset rrugore Peshkopi-Maqellarë- Bulqizë; Peshkopi-Kala e Dodës -Kukës; janë të kalueshme dhe lëvizja e mjeteve kryhet vetëm me zinxhirë”,- njofton policia.

Policia e Dibrës apelon për drejtuesit e mjeteve që të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të mos qarkullojnë pa goma dimërore e zinxhirë dhe të ndjekin udhëzimet e shërbimeve në terren.

Lajmi kryesor:

Makina të bllokuara nga bora në Iballë, evakuohen pasagjerët! Fushë-Arrëzi në izolim total! Stuhi në mbarë vendin

K.M/Shqiptarja.com

TAG:
• debore
• Diber
• moti i keq