POP 5

Lajmet më të lexuara të 5 minutave të fundit

Kronikë

Didi: Ne hyjmë në Lazarat, ka
edhe zona të tjera me kanabis

“Policia hyn në Lazarat dhe bën punën e saj”. Deklarata është bërë gjatë ditës së djeshme nga ana e kreut të Policisë së Shtetit, Artan Didi, nga Korça, ku ishte i pranishëm në nisjen e fushatës kundër dhunës ndaj gruas dhe në familje.
TIRANE- “Policia hyn në Lazarat dhe bën punën e saj”. Deklarata është bërë gjatë ditës së djeshme nga ana e kreut të Policisë së Shtetit, Artan Didi, nga Korça, ku ishte i pranishëm në nisjen e fushatës kundër dhunës ndaj gruas dhe në familje. Sipas Didit: “Policia ka akses të plotë dhe kontroll mbi Lazaratin”. Fshati me famë për kultivimin e kanabis sativa, sipas kryepolicit Didi, është nën autoritetin e policisë, e cila vepron atje lirisht dhe është duke kryer një punë efiçente për të parandaluar fenomenin që lulëzon atje. Për kreun e Policisë së Shtetit, Lazarati nuk është zona e vetme ku mbillet kanabis sativa.
 
HYRJA NË LAZARAT
Didi ka theksuar se policia ka kontroll mbi Lazaratin dhe zona të tjera të thella, jo vetëm sa i takon trafikut të lëndëve narkotike, por edhe fushave të tjera të krimit. “Unë besoj se Policia ka kontroll mbi Lazaratin, ashtu siç ka edhe në zona të tjera, që janë zona rurale, pra nuk është se ky kontroll është i plotë, ashtu siç mund të jetë në zonat urbane, në qendrat kryesore. Ne aktualisht jemi duke e forcuar këtë kontroll, duke e rritur praninë policore dhe duke shtrirë, siç thashë, më tepër autoritetin policor edhe në këto zona, ashtu siç janë dhe zona të tjera”, tha kreu i Policisë së Shtetit gjatë fjalës së tij, përpara gazetarëve.

Por Didi, nuk la pa thumbuar edhe median, që sipas tij e trajton Lazaratin si një çështje ekstraterritoriale, duke bërë që edhe policia pastaj ta shikojë në këtë anë. “Jeni keqinformuar dhe duke trajtuar Lazaratin në media si diçka ekstra-territoriale na detyroni dhe neve ta shohim në atë këndvështrim. Kanabis nuk ka vetëm në Lazarat, por edhe në zona të tjera rurale. Kemi dhe zona të tjera të thella që prania policore është e kufizuar për shkak dhe të terrenit dhe të situatave të ndryshme”, ka deklaruar Didi.
 
KRIMI NË FAMILJE
Duke folur mbi situatën e krimit në vend referuar krimeve të fundit në familje, Drejtori i Përgjithshëm i Policisë së Shtetit u shpreh se: “Krimet e fundit në familje janë të lidhura me këtë problematikë që ne po trajtojmë. Pra, janë krime që lidhen aq sa me psikologjinë sociale, aq me një traditë familjare, ku diktati prindëror ka qenë ai që orientonte dhe jetën e fëmijëve, apo sjelljen e fëmijëve.

Në aspektin e masave policore ne kemi kohë që jemi duke vepruar në këtë drejtim, kemi bashkëpunuar siç thashë me pushtetin lokal, kemi ngritur struktura të posaçme në Policinë e Shtetit, kemi arritur të rrisim besimin e  qytetarëve, por edhe të të dhunuarve, përqindjet e raportimeve në polici nga dhuna në familje janë rritur dukshëm dhe gatishmëria e policisë apo përgjigja e policisë ndaj kërkesave që bëhen ka qenë tepër efiçente”.
 
KUNDËR DHUNËS
Këto deklarata kreu i Policisë së Shtetit, Artan Didi i ka bërë nga Korça, ku ka marrë pjesë në aktivitete të organizuara nga OSBE-ja në kuadër të fushatës sensibilizuese kundër dhunës në familje, fenomen që sipas tij është shkaktari kryesor i krimeve të ndodhura së fundmi në familje. Në këtë takim i pranishëm ishte dhe kreu i OSBE-së, Florian Rauning dhe zv/ministrja e Brendshme, Elona Gjebrea. 

Shkrimi u botua në Shqiptarja.com (print) në 6 qershor 2014

Redaksia Online
(d.a/shqiptarja.com) 
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44