Didi: Policia mund të futet në
Lazarat si në çdo krahinë tjetë

KORÇË - Policia hyn dhe del në Lazarat, duke kryer funksionin e saj si në çdo rreth tjetër të vendit. Deklarata është bërë nga drejtori i policisë së shtetit, Artan Didi, nga qyteti i Korçës, gjatë një aktiviteti të organizuar në kuadër të fushatës kundër dhunës në familje.

Didi ndër të tjera u shpreh se lufta e policisë kundër narkotrafikut është me efikase, teksa shtoi se gjatë kësaj beteje është rritur bashkëpunimi me pushtetin vendor dhe mbi të gjitha është forcuar besimi i qytetarëve tek forcat blu.

Fushata kundër dhunës në familje në Korçë e organizuar nga Prezenca e OSBE-së është hapur zyrtarisht paraditen e sotme me përurimin e një tende të veçantë në pedonalen e qytetit , që do të shërbejë për sensibilizimin e qytetarëve për ti thënë stop dhunës.

Ambasadori i OSBE në Korçë, Rauning: 60% e grave viktima

Të pranishëm në këtë aktivitet kanë qenë edhe personalitete të ndryshme mes të cilëve dhe Ambasadori i OSBE-së, Florian Raunig i cili në fjalën e tij ka kërkuar ndërgjegjësim të grave për t’i dhënë fund kulturës së heshtjes

Sipas sondazhit të INSTAT të vitit 2013 afërsisht 60% e grave shqiptare të pyetura në këtë sondazh kanë qenë në një moment të jetës së tyre viktimë e dhunës në familje. Vetëm 8% e këtyre grave kishin kërkuar ndihmë. Ne duhet të ndryshojmë mentalitetin që e pranon dhunën ndaj grave dhe fëmijëve. Ne duhet të mos e pranojmë në asnjë mënyrë idenë se tradita apo kultura i bëjnë disa sjellje të papranueshme në një farë mënyre më të natyrshme. Kultura e heshtjes duhet të marrë fund.
Aktiviteti ka vijuar më pas një tryezë të rrumbullakët për masat kundër dhunës në familje ku të pranishmit kanë diskutuar dhe kanë dhënë shembuj konkretë për ti thënë stop këtij fenomeni.


Redaksia Online
(g.f/shqiptarja.com)

TAG:
• lazarat
• OSBE