Diellza Kolgeci do të jetë prezantuesja që do të shoqërojë Enkel Demin në Festivalin e Këngës në RTSH-së, që do të zhvillohet në ditët e fundit të muajit dhjetor.

Pas diskutimeve është vendosur që këtë vit prezantimi të jetë Kosovë-Shqipëri dhe tashmë është konfirmuar që do të jetë sharmantja Diellza Kolgeci.

Bukuroshja nga Kosova ka mbërritur në Tiranë për të filluar pa humbur kohë me përgatitjet për netët e festivalit.

E cilësuar si një nga ikonat e pistave të modës shqiptare, Diellza Kolgeci vazhdon në aktivitetin e saj të mendojë edhe për projekte që kanë për qëllim bamirësinë. Më herët ajo organizoi një mbrëmje kushtuar fëmijëve, të cilët vuajnë nga kanceri.

Shkrimi u botua në numrin e sotëm të gazetës "Shqiptarja.com"

Redaksia online
(Blerta Tusha/shqiptarja.com)