Hijenat, delenxhinjtë, dhe të paskrupujt, po fërkojnë “barkun”, tek shohin ata bij nënash të përleshen me flakët dhe zjarret e qëllimshme prej 20 e ca ditësh. Dikush në Partinë Demokratike, ka rastin të orkestrojë fushatën antiqeveritare, duke besuar dhe menduar se “do ta mposhtin Edi Ramën me zjarre”. E kanë të kotë. Pothuajse çdo ditë (ashtu siç bënë me tërmetin dhe pandeminë dhe vaksinimin) dalin nga qoshkat e Partisë Demokratike, “specialistët” dhe mediokrit e saj, duke shpallur “alarme” boshe, por në fakt ata ngazëllehen tek shohin të hapen vatra të reja zjarresh. Ç’nuk thonë dhe shpifin, nga “Shqipëria nuk ka asnjë helikopter”, deri tek idiotësia “Edi Rama përdor helikopterin e Emergjencave Civile”, apo dhe “repartet e zjarrfikseve nuk kanë mjetet duhura”. Sipas kaposhëve kokëboshë të Partisë Demokratike “zjarret janë si pasojë e keqeverisjes së Ramës, ato i shuajmë vetëm po erdhëm ne në pushtet”.
Shpirtligësia dhe dritëshkurtësia e eksponentëve dhe lidershipit të opozitës së gallatës, dihet e ka burimin nga “embrioni” që i mban ata ndezur orë dhe çast. Ata festuan kur ra tërmeti, hapën shampanjë, dhe thanë “iku Rama, kaq e pati”. Ata festuan kur u shpall emergjenca kombëtare e pandemisë, dhe ç’nuk thanë dhe mallkuan, duke u bërë thirrje shqiptarëve “të mos vaksinohen, sepse Rama i ka marrë nga vendet e lindjes”..etj..etj. Kjo pra ishte dhe kjo është opozita e këtij vendi, që vjen si mallkim pas çdo krize dhe emergjence kombëtare për shqiptarët, që kanë besuar dhe besojnë tek fuqia dhe zgjidhja e kësaj qeverie dhe kryeministrit Rama.Dikush(dhe kjo dihet) fërkon “barkun” në Partinë Demokratike, gjithmonë kur ka vrasje, krime të ndryshme, gjithmonë kur ndodhin përmbytjet, zjarret, tërmetet, apo kur kishte viktima ditore nga COVID-19, duke i 10-fishuar ato. E njohin dhe e dinë ghithë shqiptarët, kush ngërdheshet dhe feston kur ndodh hataja, e njohin dhe e kanë provuar mbi kurrizin e tyre shijen e pushtetit të një parti që funksionon vetëm si çiflik. E njohin edhe hipokrizinë e “birit të tij politik”, që gjithmonë siç thotë populli, kur “Stambolli digjet, ai krihet”, duke shpresuar se “qeveria do të bjerë”. Zjarret e 20 ditëve të fundit, ishin dhe do të mbeten krejt të qëllimshme, nga duar kriminale.
Ato u përhapën si ushunjëzat në pothuajse, të gjitha rrethet e vendit, madje edhe atje ku kishte mbi 50 vjet që nuk kishin parë zjarre në tokat dhe pyje. Ato u “ngjizën” fill, pas një “paralajmërimi” që një portal “i pavarur” publikonte lajmin se “në ditët e ardhshme priten zjarre në 5 qarqe të vendit”. Le të më thotë dikush, si mundet të parashikohen zjarret, dhe do ta shpallim “Njeriu i Globit”, le të më thotë dikush, a ka në botë një institucion apo fallxhor, që parashikon zjarret, dhe hajde ta shpallim “Shenjtor”. Historia flet ndryshe të paktën për Shqipërinë. Më të vjetrit thonë se “nuk mbajmë mënd të binin zjarre edhe pse kishim më shumë pyje, drunj frutorë, shkurre, edhe pse kishim verë të nxehtë”. Atëhere pse ndodhin sot këto “fenomene” tek ne, përse pas një “parashikimi mediatik”, në çdo qark u ndezën flakë pyjet, kullotat, të mbjellat, u dogjën banesa dhe patëm edhe viktima” ? Dikush fërkon “barkun” dhe mban gjallë shpresën tek shpresëhumburit e opozitës, duke pritur të rriten vatrat e zjarrit, dhe të mos shuhen kurrë…. por pa e menduar se ato zjarre për qeverinë dhe Edi Ramën, janë thjesht sprova e rradhës nga e cila Shqipëria do të dalë edhe më e fortë se kurrë.
Komente
Lajme të tjera
-
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës, salla me mbi 7 mijë vende
24 Nëntor, 07:10 -
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35
Partia e krimit PDja ka organizuar kriminelet brenda saj per te vendosur zjarre per te mposhtur shtetin !por shteti nukmposhtet keshu! .
Përgjigju