Numri i shpendëve migrator gjatë stinës së dimrit ka pësuar rënie në lagunat e Patokut, Talës dhe Kune-Vainit. Konstatimi ka ardhur pas censusit të shpendëve të zhvilluar në këto rezervate natyrore.
Specialisti i Agjencisë së Zonave të Mbrojtura Kristjan Beqiri, thotë se klima më e ngrohte e këtij dimri ka ndikuar në rënien e numrit të shpendëve që largohen gjatë dimrit.
"Mund të ketë ndikuar kushtet klimaterike. Por mund të themi që llojet e specieve në këtë lagunë janë të njëjta me vitin e kaluar. 200-250 specie të ndryshme në këtë lagunë. Moratoriumi i gjuetisë ka ndikuar pozitivisht", tha Krisjan Beqiri Specialist i ADZM Lezhë.
Censusi i shpendëve migrator u mbështet edhe nga Drejtoria e Turizmit në Bashkinë Lezhë. Drejtori Renaldo Xhanaj tha se lagunat me shumëllojshmëri shpendësh japin impakt mjaft pozitiv ne zhvillimin e turizmit të qëndrueshëm.
"Në këtë numërim shpendësh u evidentua që ka një shumëllojshmëri të larmishme të shpendëve që na japin impuls pozitiv në zhvillimin e turizmit të qëndrueshëm", tha Renaldo Xhanaj Drejtor i Turizmit Bashkia Lezhë.
Në lagunat e Lezhës ka aktualisht 200 lloje shpendësh dhe në këtë drejtim ka dhënë impakt mjaft pozitiv moratoriumi i gjuetisë, ndërsa është rritur edhe interesi i vizitorëve dhe turistëve të huaj për të parë nga afër këto mjedise lagunore unikale në rajon. Klima e ngrohtë ka sjellë që Lagunat e Lezhës të mos braktisen nga shpendët gjatë dimrit.
Lajme të tjera
-
Ngordh shqiponja që u kryqëzua në një gardh në Përmet për t'u balsamosur! Në pranga 35-vjeçari që e keqtrajtoi, në banesë iu gjetën edhe 2 sorkadhe të vrara
9 Tetor 2023, 16:35 -
Shpendët e ngordhur ‘pushtuan’ kanalin vaditës, Bashkia nis pastrimin
16 Shkurt 2022, 12:14 -
Kojliku qeros, shpendi i rrallë shfaqet në Shqipëri pas 400 vitesh (VIDEO)
22 Nëntor 2021, 22:40 -
Në kërkim të shpendëve të rrallë në liqenin e Shkodrës! Fotografët nga e gjithë Europa mbërrijnë në Shqipëri: Në Gjermani s'ke ç'të shohësh
3 Korrik 2021, 21:55 -
E qëlluan me çifte për ta balsamosur, shërohet mjelma, lihet e lirë në Liqenin e Pogradecit
11 Mars 2021, 14:34 -
Plagos me çifte mjelmën në Liqenin e Pogradecit, autori kërkonte që ta balsamoste (VIDEO)
6 Mars 2021, 12:25
