POP 5

Lajmet më të lexuara të 5 minutave të fundit

Sociale

Shqiponja e dhunuar në Përmet, specie e mbrojtur me ligj nga 2006! Aktivisti: Është hutë fushe, lehtësisht e kapshme nga njeriu

Shqiponja e dhunuar pak ditë më parë në Përmet, e njohur edhe si Huta, është e mbrojtur me ligj në Shqipëri që prej vitit 2006. Kapja e paligjshme e saj, gjymtimi apo vrasja cilësohet e dënueshme pasi “Huta” konsiderohet e rrezikuar kryesisht nga gjuetia

Huta e llojit (buteo buteo) e familjes së shqiponjës që ngordhi pasi ishte varur në një gardh në fshatin Bual të Përmetit, është shpend i rrallë dhe i mbrojtur me ligj që prej vitit 2006 në Shqipëri. Ajo hyn në speciet e rrezikuara kryesisht nga gjuetia, pasi është i lehtë për t’u kapur.

“Ndonëse mund ta ngatërrojmë me Shqiponjën, ajo është Hutë, dhe mund ta shohim shpesh nëpër fusha të ndryshme duke flutuar në lartësi të ulët duke kontrolluar për minj të fushës të ndryshëm. Është lehtësisht e kapshme nga njeriu, mund të jetë kapur me çark ose nga duart e njeriut dhe pastaj i janë thyer këmbët. Ka pasur një ulje dhe duhet mbrojtur, është një lloj që duhet mbrojtur sepse kjo popullatë mund të shkojë dhe në ulje”.- Xhemal Xherri, aktivist PPNEA.

Për keqtrajtimin e kafshëve shtëpiake ligji parashikon gjobë deri në gjashtë muaj heqje lirie, ndërsa për speciet në mbrojtje si pjesë e florës dhe faunës së egër, ligji është më i ashpër.

“Kur bëhet fjalë që janë lloje të mbrojtura me ligj, siç është edhe rasti i Hutës me status vulnerabël, kemi të bëjmë me raste dënimi jo vetëm me gjobë, por edhe me dënim nga 3 deri në 7 vite burgim”.- u shpreh Xhemal Xherri, aktivist i PPNEA.

Pak orë pas publikimit të ngjarjes, Policia e Përmetit arrestoi autorin 42-vjeçar, ndërsa gjatë kontrollit në banesën e tij, u gjetën dy sorkadhe, për të cilat ai pretendoi se i kishte vrarë me armë gjahu, ndërsa për rastin e Hutës së egër, e cila u bë edhe publike, ai nuk ka dhënë shpjegime.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 11/10/2023 01:24

    Ketu ku jetoj une kemi fajkoj,por mund te jene dhe huta,s.d.q fajkoj i quajne.Edhe pse jetojme ne qytet,keta lloj zogjsh jane te perhapur,gjuajne minj,zogj dhe ketra e ndonje kafshe te vogel.Por njerezit ketu kane me respekt per kafshet se shqipot, te cilet qe te vegjel edukohen me mosrespektimin e jetes,natyres e gjallesave.Ku tjeter vecse ne Shqiperi femijet kane patur si loje te preferuar gjuajtjen me llastiqe te zogjve,ku tjere vecse ne Shqiperi,fshataret ngarkonin gomeret dikur kaq rendshem sa te vinte te qaje kur i shikoje dhe u hipnin dhe vete persiper,ku tjeter vecse ne Shqiperi,pergjegjesia per ambientin e shoqerine nuk kalon pertej deres se apartamentit,apo te gardhit dhe me tutje plerat mund t'i hedhesh ku te duash se nuk prish pune,nuk eshte shtepia,apo oborri jot,por i te tjereve,i botes.3-7 vjet eshte shum pak,20 vjet do te ishte me mire e gjobe 10-50.000 $ qe te mos u shkoje mendja me per cifte.Po keshtu dhe ata qe jane caktuar te ndjekin zbatimin ne natyre te aktit te gjuetise per mbrojtjen e faunes te eger,por qe dredhin zinxhirin gjithe diten e mbyllin nje sy per keta kriminele,duhen denuar po aq ashper per shperdorim detyre e shkelje.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46