POP 5

Lajmet më të lexuara të 5 minutave të fundit

Kronikë

Në kërkim të shpendëve të rrallë në liqenin e Shkodrës! Fotografët nga e gjithë Europa mbërrijnë në Shqipëri: Në Gjermani s'ke ç'të shohësh

Në Shkodër është krijuar një grup fotografësh të jetës së egër që po zhvillojnë një ekspeditë fotografike në Liqenin e Shkodrës. Ata janë nga shtete të ndryshme të Ballkanit, dhe ushtrojnë profesione të ndryshme, por i bashkon pasioni për natyrën dhe janë gjithnjë në kërkimin të shpendëve të rrallë.

SHKODËR- Kanë mbërritur nga disa shtete të Europës për të eksploruar atë çfarë ofron Liqeni i Shkodrës, liqeni më i madh në Ballkan.

'Jam nga Serbia dhe udhëtova 10 orë për të ardhur këtu. Liqeni ka veçanti shumëllojshmerinë e shpendëve, natyra shume e bukur këtu në Shqipëri. Vij për herë të parë dhe nuk di çfarë kam fotografuar sot kur të shkoj në hotel do të bëj përzgjedhjen e fotove dhe shpresoj që të ketë më shumë bashkëpunime mes Shqipërisë dhe Serbisë', rrëfen Nenad Mihajlovic.

'Jam nga Berlini dhe erdha këtu me ftesë të Jetmirit. Është hera e parë dhe mendoj se liqeni i Shkodrës ka disa specie te rralla shpendësh kurse në Gjermani nuk ke se çfarë të shohësh. Kam bërë më shumë se 2 000 foto', tregon Stefan Schlegl.

Qendra "Wild Europe" ka për qëllim evidentimin dhe krijimin e një fondi unik që deri tani ka munguar të jetës së egër në vendin tonë. Fotografimi cilësor i shpendëve do të shërbejë edhe për pasurimin e teksteve shkollore. Ky aktivitet është hapi i parë drejt krijimit te një netËork-u me fotografë nga gjithë Evropa për ta parë Liqenin e Shkodrës si një mundësi gjithë vjetore për të zhvilluar aktivitetin e tyre të fotografisë.

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça