POP 5

Lajmet më të lexuara të 5 minutave të fundit

Sociale

Dimri në prag, bie bora e parë në Shishtavec të Kukësit! Nxënësit ecin 3 km në këmbë për në shkollë! Banorët kërkojnë të mbahet rruga e hapur gjatë dimrit

Shishtaveci i Kukësit është mbuluar nga dëbora edhe pse jemi në mes të nëntorit. Banorët thanë se kanë marrë masa duke siguruar bazën ushqimore, por shqetësim për ta mbetet rruga, e cila bllokohet gjithnjë në dimër.

Në zonat malore të verilindjes kanë nisur reshjet e para të dëborës. Report Tv udhëtoi drejt Shishtavecit, ku bora e parë ka sjellë dhe problematika për banorët. Në rrugë janë krijuar ngrica dhe ndërprerjet e energjisë janë të shpeshta.

Po kështu nxënësit dhe mësuesit e kësaj zone hasin vështirësi për shkak se ecin në këmbë nga shtëpitë e tyre drejt rrugës ku i pret furgoni.

“Është shumë vështirë dhe urat janë të dëmtuara, vështirëson lëvizjen sidomos fëmijët e klasës së parë. Ata ecin 2-3 km në këmbë”, tha mësuesi Ramiz Gjuta.

Ndërsa të tjerë banorë thanë se i kanë marrë masat për sigurimin e ushqimeve, por i druhen bllokimit të rrugëve në muajt në vazhdim.

“Blejmë ushqime për 6 muaj se dimri këtu është i ashpër. Kërkojmë veç të pastrohet rruga nga bora, sepse jemi bllokuar vitet e tjera. Të moshuarit s’ka kush i çon në spital”.

Sakaq institucionet arsimore të njësinë administrative Shishtavec janë furnizuar me lende drusore për ngrohje dhe sobat nga sot janë ndezur në çdo klasë.

“Ka ardhur sasia e druve për ngrohje dhe jemi gati për të pritur dimrin me temperatura të ulëta. Tek ne është i zakonshëm, ndaj jemi të përgatitur”, tha Talent Seferi Drejtor u Shkollës se Mesme te Bashkuar Shishtavec.

Në pllajën e Shishtavecit janë të vendosur 7 fshatra me një popullsi prej 5 mijë banorësh. Shtrihet 1250 metra mbi nivelin e detit dhe rrethohet nga kodra e male, me majat e larta të Kollovozit dhe Pashtrecit.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46