POP 5

Lajmet më të lexuara të 5 minutave të fundit

Sport

'Dinastia' Maldini/ Debutim në të njëjtën fushë si i ati, Danieli: Emocionuese, ia dedikoj familjes

Në 20 janarin e 1985 në moshën 16-vjeçare, Paolo Maldini bënte debutimin në Serie A me Milanin, kjo në fushën e Udineses.

'Dinastia' Maldini/ Debutim në të njëjtën fushë si i ati, Danieli: Emocionuese, ia dedikoj familjes

Cesare, Paolo dhe Daniel Maldini

Në 20 janarin e 1985 në moshën 16-vjeçare, Paolo Maldini bënte debutimin në Serie A me Milanin, kjo në fushën e Udineses. Më shumë se 39 vite më pas, në të nëjtën fushë i biri i Paolos, Danieli debutoi në Udine me fanellën e Italisë, kjo ne një fitore 4-1 të të kaltëve në Ligën e Kombeve kundër Izraelit.

23-vjeçari është pjesë e Monzas në Serie A dhe i formuar te Milani, aty ku luajti në disa sezone. Pas ndeshjes ai u shpreh i emocionuar dhe ia kushtoi këtë arritje familjes.

Babai Paolo dhe nëna Adriana ishin në tribunat e stadiumit duke brohoritur për të dhe bërë video me celularët e tyre.

“Jam i lumtur që ata erdhën dhe ishin këtu. Ne flasim për futbollin edhe kur jemi në shtëpi. Këtë debutim ia dedikoj familjes sime, miqve të mi, njerëzve që më duan”.

Më pas një koment për ndeshjen: “Bëmë mirë që nuk e ulëm ritmin edhe kur e siguruam plotësisht fitoren. E vazhduam 'luftën', bëmë çfarë duhej deri në fund. Çfarë shpresoj të sjell në kombëtare? Pak cilësi, edhe nëse ky ekip ka shumë tashmë. Thjesht po përpiqem të jap kontributin tim maksimal”.

Cesare, Paolo dhe tani Daniel, kjo është 'dinastia' Maldini që vijon te Italia.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria çel negociatat për kapitullin e parë, integrohemi brenda 2030?

Lajme të tjera



×

Lajmi i fundit

'Unë i kam ndaluar të mundin këta Ramën në 12 vite?!', revoltohet Lapaj: Unë tani dola, paskam qenë problemi?! Nuk janë opozitë, janë 1 me pushtetin

'Unë i kam ndaluar të mundin këta Ramën në 12 vite?!', revoltohet Lapaj: Unë tani dola, paskam qenë problemi?! Nuk janë opozitë, janë 1 me pushtetin

15 Tetor, 18:05