(Ministrja Mirela Kumbaro dhe Adrian Paci në panelin “Përtej diplomacisë klasike”)
Ministri i Punëve të Jashtme Ditmir Bushati në fjalën përshëndetëse premtoi bërjen e politikave më të mira për komunitetin e artistëve që përcjellin vlerat në Europë e mbarë botën. Ministrja e Kulturës Mirela Kumbaro pohon se ky panel lidhet me synimin që diplomacia jonë kulturore të prezantojë kulturën shqiptare jashtë vendit në mënyrë progresive me integrimin evropian. ‘’Kjo në fakt vë në diskutim faktin nëse Europa e Bashkuar ka ndërtuar ka në gjithë këto dekada politika të përbashkëta ekonomike, financiare, doganore, ushtarake, policore, arsimore, në fakt nuk ka strategji të përbashkëta kulturore duke e lënë kulturën si një çështje vetëm nacionale'', tha Kumbaro.
Ndërsa artisti Adrian Paci vërejti se komunitetet shqiptare në botë përbëjnë një burim të pasur, por kjo nuk mjafton...” Suksesi i individëve të veçantë qofshin këta artistë, shkrimtarë, balerinë apo ngritës peshash nuk mund të kompensojë peshën e mosfunksionimit tonë si një komunitet më një sistem vlerash të përbashkëta. Rreziku që ne të jemi një popull përgjithësisht i parealizuar që shfryen frustrimin e mossuksesit të vet në entuziazmin për grup njerëzish që aty këtu kanë bërë emër në botë është një rrezik real dhe mendoj se duhet të jemi të vëmendshëm që të mos e përdorim këtë entuziazëm shpesh herë naiv për të mbuluar mungesat sociale apo kulturore të cilat kanë nevojë për impenjim të thellë shtetformues'', tha ai.
(Artisti Adrian Paci)
Shqipëria ka dhjetëra artistë me famë botërore, si Ermonela Jahonm, Saimir Pirgun, Adrian Pacin e të tjerë, por ambasadat tonë jashtë Shqipërisë nuk kanë qenë shumë mbështetëse për ta. Paneli me ministren e Kulturë Kumbaro dhe artistin e njohur Adrian Paci ka synuar pikërisht ripozicinimin e Ministrisë së Punëve të Jashtme në fushën e kulturës, që të ofrojë shërbime transparente dhe me kosto të ulët për artistët.
(Konferenca e Ambasadorëve në Ministrinë e Punëve të Jashtme)
Foto të tjera..
Redaksia Online
Al.N/Shqiptarja.com