Diplomati holandez, Pieter Feith, ka kritikuar politikën e Serbisë. Ai thotë se shteti serb duhet ta kuptojë njëherë e mirë se Kosova ështëe pavarur dhe sovrane dhe se çështja e veriut është e mbyllur.
Beogradi vazhdon të luajë me disa karta ne politikën e jashtme, duke pasur marrëdhënie të mira perëndimin si dhe me Kinën e Rusinë. Këtë politikë të Serbisë po e kritikon ish-përfaqësuesi special i Bashkimit Evropian në Kosovë, Pieter Feith.
Ai në një intervistë për tëvë1 thotë se ka ardhur momenti kur Serbia të përcaktohet se cilën rrugë do e zgjedhë. Sipas tij nuk do të ketë paqe të qëndrueshme në rajon nëse Serbia nuk e pranon se Kosova është e pavarur dhe sovrane.
“Ka shqetësime serioze sa i përket çështjes se sigurisë në rajon, e veçanërisht ne veriun e Kosovës. Serbia akoma nuk e pranon se Kosova është një shtet i pavarur dhe se pjesa e veriut i përket vetëm Kosovës. Kjo është njëra nga arsyet kryesore që situata sigurisë vazhdon të jetë e ndjeshme në Kosovë. Të dyja vendet duhet të bëjnë më shumë për të vazhduar rrugën drejt anëtarësimit të plotë në Bashkimin Evropian, vetëm kështu është më i sigurt rajoni i Ballkanit Perëndimor. Pra ne veçanti Serbia duhet ta ketë të qartë njëherë e mirë se cilën rrugë do e zgjedh”, ka thënë Feith.
Po ashtu Feith ka folur edhe për situatën e ndjeshme të sigurisë në pjesën veriore të Kosovës. Sipas tij pavarësisht se NATO po e shqyrton shtimin e trupave në Kosovë, Policia e Kosovës është forca e parë që duhet të garantoj siguri në atë pjesë vendit.
“Natyrisht që këshilli i NATO-s do ta diskutojë mundësinë që të ketë shtim të trupave në Kosovë, por unë mendoj se fillimisht Policia e Kosovës duhet të garantoj siguri në pjesën veriore të vendit dhe më pas të asistohet nga KFOR-i. Nëse rase se Policia e Kosovës është shumë e ngarkuar, atëherë normalisht që duhet te ketë më shumë mbështetje nga NATO. Nuk është aspak sinjal i mirë që në vitin 2023 jemi akoma duke folur për këto çështje të sigurisë”, ka thënë Feith.
Diplomati holandez, e sheh akoma Rusinë si kërcenim për paqen në rajonin e Ballkanit Perëndimor.
“Po, Rusisë i intereson që të ketë trazira në rajonin e Ballkanit Perëndimor dhe për këtë arsyeje është alarmuar sekretari i përgjithshëm i NATO-s, JensStoltenberg. Pas agresionit ushtarak të Rusisë ndaj Ukrainës askush nuk mund të ndihet i sigurt, por natyrisht që NATO është shumë e fuqishme edhe e gatshme për të reaguar nëse situata përshkallëzon. Në këtë periudhë shtetet perëndimore duhet të jenë shumë vigjilente”, ka thënë Feith.
Më 24 shtator të këtij viti Policia e Kosovës u sulmua nga një formacion terrorist ku mbeti i vrarë rreshteri Afrim Bunjaku. Presidenti i Serbisë, Aleksandar Vuçiç, nuk e pranon se Serbia është përgjegjëse për sulmin në Banjskë të Zveçanit.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
Shefi i NATO-s takohet me Trumpin në Florida
23 Nëntor, 12:35 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Serbi/ 11 të arrestuar, për shembjen e çatisë në stacionin e trenit në Novi Sad që vrau 15 persona
21 Nëntor, 13:56 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35
