POP 5

Lajmet më të lexuara të 5 minutave të fundit

Kosova & Rajoni

Diplomatët gjermanë dhe francezë ‘zbarkojnë’ në Prishtinë! Nga janari nisin diskutimet për planin franko-gjerman për dialogun Kosovë-Serbi

Në janar mbërrijnë në Prishtinë dy diplomatë të rëndësishëm evropianë, këshilltari i kancelarit Scholz dhe ai i presidentit Macron, së bashku me të dërguarin special amerikan, Gabriel Escobar. Temat e nxehta që pritet të diskutohen janë plani franko - gjerman dhe Asociacioni

Plani franko – gjerman ishte arsyeja pse presidenti serb Aleksandar Vuçiç përgatiti gjithë skenarin e tensionimit në veri, sipas kryeministrit Albin Kurti. Për një pjesë të analistëve dhe politikanëve në Kosovë, serbët nuk janë të interesuar për planin franko - gjerman dhe zgjidhjen që ai parashikon për dialogun Prishtinë - Beograd.

Deri më tani nuk ka asnjë dokument zyrtar mbi këtë projekt politik, por zyrtarë pranë kryeministrit Kurti dhe presidentit Vuçiç bëjnë me dije se draftet u janë dorëzuar në tavolinë të dy liderëve.

Pikërisht për t’i dhënë udhë dialogut në Bruksel, tandemi më i rëndësishëm diplomatik në BE do të dërgojë në Prishtinë, në janar, dy diplomatë të nivelit të lartë.

Këshilltari i kancelarit gjerman, Olaf Scholz, Jens Plettner dhe ai i presidentit të Francës, Emmanuel Macron, Emmanuel Beaune, do të qëndrojnë në Prishtinë në muajin janar.

Këtë gjë e ka konfirmuar Presidentja e Kosovës, Vjosa Osmani, e cila ka thënë se atyre do t’u bashkohet edhe emisari i Shteteve të Bashkuara të Amerikës për Ballkanin Perëndimor, Gabriel Escobar.

Një temë tjetër e nxehtë që pritet që palët të diskutojnë është edhe Asosacioni, për të cilin qeveria Kurti është kategorikisht kundër, ndërkohë që serbët e kanë vendosur si kusht.

Në “Planin Franko-Gjerman”.  i kërkohet Serbisë të japë dakordësinë për Kosovën që të futet në organizmat ndërkombëtarë në këmbim të përshpejtimit të anëtarësimit në Bashkimin Evropian.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14