TIRANE- Në mbledhjen e grupit parlamentar të Partisë Demokratike që u zhvillua mesditën e djeshme nën drejtimin e kreut të grupit Edi Paloka, deputetët e djathtë kanë marrë direktivat për bllokimet e punimeve të senacës parlamentare të ditës së enjte.

Ndërkohë që, po dje iu është bërë e qartë deputetëve që krahas udhëzimeve që kreu demokrat Basha iu ka dhënë krerëve të degëvë ditën e premte, ata duhet të mbajnë kontaktet me bazën në mënyrë që ditën e enjte të ketë sa më shumë protestues përpara hyrje-daljeve të Parlamentit.