Disa zona po 'përmbyten' nga ujërat e zeza, agjencitë humanitare në Gaza paralajmërojnë për sëmundje: Banorët janë pa ujë të pijshëm

Mes bombardimeve banorët në Gaza po përballen dhe me rrezikun e sëmundjeve. Një agjenci e OKB-së, (UNRWA) thotë se vetëm gjysma e karburantit minimal ditor të kërkuar për operacionet humanitare ishte në dispozicion.

Ndërsa pjesa më e madhe në Gaza do të mbetet “e përmbytur me ujëra të zeza, duke rritur më tej rreziqet e sëmundjeve”. Sipas organizatës kufizimet e karburantit kanë lënë palestinezët pa ujë të mjaftueshëm të pijshëm.

“Organizatat humanitare nuk duhet të detyrohen të marrin vendime të vështira midis aktiviteteve konkurruese për shpëtimin e jetës. Tensionet e komunitetit në një shoqëri dikur të lidhur ngushtë ka të ngjarë të rriten, duke e bërë edhe më të vështirë për UNRWA dhe organizata të tjera të veprojnë në një mjedis të krizës humanitare të paprecedentë”, thuhet ne deklaratë.

Gjatë natës, Izraeli tha se kishte rënë dakord të lejonte dy kamionë me karburant në ditë në Gaza. Një zyrtar i Departamentit të Shtetit të SHBA specifikoi se rreth 140,000 litra karburant do të lejohen në çdo dy ditë, ku shumica e tyre është menduar për kamionët që dërgojnë ndihma.

Lajmi kryesor:

Lufta/ Pacientët dhe stafi largohen nga spitali më i madh në Gazë! Hamasi: 50 të vdekur nga sulmet në dy shkolla! Bombardon pozicionet e Hezbollahut në Libanin jugor

B.K/Shqiptarja.com

TAG:
• Izrael
• Hamas
• Hezbollah