POP 5

Lajmet më të lexuara të 5 minutave të fundit

Disfata ndaj Benfica, Allegri optimist: Nuk ka asgjë për t’u shqetësuar

Trajneri Massimiliano Allegri insiston se nuk ka arsye për t’u shqetësuar pasi Juventus u mund në përballjen me Benfica në Champions League. Bardhezinjve i duhet një mrekulli për të qëndruar në Champions League pas humbjes në të dy ndeshjet, me PSG dhe Benfica, duke mbetur në fund të grupit me Maccabi Haifa.

Disfata ndaj Benfica, Allegri optimist: Nuk ka asgjë për t’u shqetësuar

Massimiliano Allegri

Trajneri Massimiliano Allegri insiston se nuk ka arsye për t’u shqetësuar pasi Juventus u mund në përballjen me Benfica në Champions League. Bardhezinjve i duhet një mrekulli për të qëndruar në Champions League pas humbjes në të dy ndeshjet, me PSG dhe Benfica, duke mbetur në fund të grupit me Maccabi Haifa.

“Futbolli është i vështirë për t’u shpjeguar, gjithçka që mund të themi është se pasi mbaruam me rezultatin 2-1, ne rrezikuam të pranonim 3-1 dhe 4-1. Kishte një shans vonë, por performanca nuk ishte e mirë. Nuk ka kuptim të shpjegojmë dhe flasim tani, por ne duhet të pnojmë më shumë.

I kam thënë skuadrës se këto momente ndodhin në futboll, ne duhet të dalim prej tyre si ekip, me një ndjenjë përgjegjësie. Kemi një ndeshje të rëndësishme në Serie A kundër Monzas dhe pas kësaj mund të mendojmë për Evropën. Sigurisht që do të jetë e ndërlikuar, por jo gjithçka ka humbur.

Nuk kam pse të kritikoj ekipin për asgjë, e kuptoj situatën psikologjike të ekipit. Ne kemi pasur disa momente të vështira dhe kemi reaguar, por pranimi i penalltisë në pjesën e parë, ishte një goditje e vërtetë”, tha Allegri për Sky Sport Italia.

Megjithatë shtoi se nuk ka humbur asnjëherë dy ndeshje në fazën e grupeve të Champions League, por këtë e justifikon duke thënë: “Ka një herë të parë për gjithçka”.

Leonardo Bonucci bëri një koment pas ndeshjes duke thënë se është i shqetësuar për vështirësitë që po has Juventus këtë sezon, por Allegri nuk bie dakord me këtë.

“Nuk ka asgjë për tu shqetësuar, ne duhet të fokusohemi dhe të punojmë shumë”, tha trajneri.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Eduard Zaloshnja/ Sondazhi: Vetëm 28.5% nuk duan asnjë masë sigurie për Berishën, mbi 43% e duan nën arrest shtëpie

Eduard Zaloshnja/ Sondazhi: Vetëm 28.5% nuk duan asnjë masë sigurie për Berishën, mbi 43% e duan nën arrest shtëpie

6 Janar, 10:15 nga Eduard Zaloshnja