Diskretitoi figurat e Messi-t dhe Pique-s, arrestohet ish-presidenti i Barcelonës Bartomeu

Ish-presidenti i Barcelonës deri pak javë më parë Josep Maria Bartomeu dhe drejtues të tjerë të klubit janë arrestuar sot në mëngjes nga policia katalanase. Kjo e fundit, nëpërmjet njësisë speciale ‘Mossos’, ka mësyer në zyrat e klubit në lidhje me çështje ‘Barçagate’.

Sipas Cadena Ser ky aksion lidhet me diskreditimin e disa prej figuarave kryesore të Barcelonës. Ish-presidenti Bartomeu, Ceo Oscar Grau dhe Roman Ponti nga shërbimet juridike akuzohen se kanë kontaktuar disa kompani për t’i prishur imazhin figurave si Lionel Messi dhe Gerard Pique. Këto kompani bënin reklamë negative për personazhet në fjalë në internet.

Nën hetim nga njësia ‘Mossos’ janë gjashtë kompani, ndërsa përveç Messi-t dhe Pique-s në qendër të sulmeve ishin edhe shumë persona të tjerë, duke përfshirë edhe familjet e tyre.

Kjo çështje shpërtheu te Barcelona që në verë, por në shkurt autoritet e drejtësisë nisën hetimet, ndërsa sot ata janë thelluar me mësymjen e policisë në zyrat e klubit. Sakaq vetë Bartomeu, i cili dha dorëheqjen si president i Barcelonës me 27 tetor, i ka mohuar akuzat në fjalë.

Ish-presidenti i Barcelonës, Josep Maria Bartomeu

 

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord me nismën e PS për të zbuluar politikanët bashkëpunëtorë të ish-sigurimit?



×

Lajmi i fundit

Ish bashkëshorti nxjerr videot kur Britney Spears i bërtet dy djemve: Nuk mund të rri duarkryq

Ish bashkëshorti nxjerr videot kur Britney Spears i bërtet dy djemve: Nuk mund të rri duarkryq