Ndonëse në program shkruhej ‘ora 09.20 nisja për stërvitje’, trajneri De Biazi ka zgjedhur të befasojë djemtë kuqezi. I gjithë delegacioni ka marrë drejtimin e një parku lodrash të vendosur në një pyll, rreth 15 minuta larg Hotel Falkenistein, ku qëndrojnë futbollistët.
Ky ndryshim në axhendën e Kombëtares u konceptua si një formë relaksi për skuadrën dhe krijimin e një gjendjeje ndryshe brenda saj. Të ndarë në dy grupe, për afro 90 minuta kuqezinjtë, stafi, trajneri De Biasi madje dhe Presidenti Duka, kanë organizuar në lojra të ndryshme, brenda të cilave kishte dhe ushtrime fizike.
Ndërkohë pasdite, djemtë e De Biazit do të vizitojnë Muzeun e Artit në Vjenë ku ndodhen edhe armët dhe përkrenarja e Heroit Tonë kombëtar, Gjergj Kastriot Skënderbeu.
Redaksia Online
(B.K/shqiptarja.com)