Tirane- Mes 15 personave të infektuar me HIV/AIDS të cilët humbën jetën në vitin 2023 nga virusi, 8 janë raste të reja, përfshirë edhe dy fëmijë. Kryetarja e shoqatës e konsideron shqetësues numrin e fataliteteve duke drejtuar gishtin te mungesa e testimeve.
“Kemi 15 humbje jete nga të cilat 8 janë raste të diagnostikuara këtë vit. Pra 1 në 10 raste të diagnostikuar këtë vit kanë përfunduar në fatalitet, çka është një sirenë alarmi. Nuk mund të vdesë një njeri nga HIV në 2023 nëse kemi programe funksionale dhe fillon terapia në diagnozë të hershme”, tha Olimbie Hoxhaj, kryetare e Shoqatës së pacientëve me HIV/AIDS
Raporti i pacientëve me HIV/AIDS mes burrave dhe grave është 70-30%, ndërsa ekspertët thonë se Shqipëria ka një përhapje të ulët të virusit në krahasim me vendet e tjera. Megjithatë jetike është nevoja e testimeve.
“Do duhet që të punojmë më shumë kur vjen puna te testimet dhe mënyra se si i shërbehet këtyre pacientëve” u shpreh Albana Koçiu, ministre e Shëndetësisë dhe Mbrojtjes Sociale
Me qëllim ndërgjegjësimin sa më të madh, një nga të prekurit apeloi për shmangien e ndrojtjes në raportimin e këtyre rasteve
Problemi shihet dhe te mungesa e informimit të të rinjve në shkolla lidhur me virusin HIV/AIDS.
“Më shumë të informuar nga Google, rrjetet sociale se në shkollë nuk bëhen lëndë specifike” thotë një vajzë
“Me mësueset mund të jetë prekur, me mësuesen e biologjisë që jep lëndën"
“Fundja ne tani jemi mosha e telefonave, kuptojmë çdo gjë, jo vetëm kur na mësojnë të tjerët”
Mjeku Roland Bani thotë se zbulimi i të prekurve jo vetëm shkëput zinxhirin e infeksionit, por i krijon atyre mundësi për trajtime të nevojshme.
Lajme të tjera
-
Shqipëri, 119 raste të reja të infektuara me HIV/AIDS këtë vit
1 Dhjetor, 22:17
-
'Kush tha që jeta nuk është e bukur?! Duhet vetëm kurajo për ta jetuar...' Letra prekëse e nënës së fëmijës 2 vjeç infektuar me HIV/AIDS
1 Dhjetor 2023, 15:04 -
Dita Botërore e HIV-AIDS, mjeku: Në 2023 janë 113 raste të reja! Mënyra më e shpeshtë e transmetimit nëpërmjet rrugëve seksuale! Qato: Mbrojtja, forma më e mirë e parandalimit
1 Dhjetor 2023, 14:59 -
'Mos kinë frikë, as turp!' Mesazhi i të prekurit me HIV/AIDS në Ditën Botërore, 113 raste të reja këtë vit! Ministrja Koçiu: Rritje e kontrolleve periodike
1 Dhjetor 2023, 11:01 -
Infektimi i foshnjës me HIV/AIDS, Report Tv zbardh vendimin e Apelit: Prokuroria të nisë hetimet, s’analizoi në mënyrë të plotë kallëzimin
4 Maj 2023, 15:32
-
Ende mister si u infektua me HIV/ AIDS fëmija 1-vjeç në Tiranë, Manastirliu pa përgjigje: ISHP ka kryer hetimin epidemiologjik sipas protokolleve
10 Janar 2023, 12:56 -
Mister si fëmija 1-vjeç u infektua me HIV/AIDS në Tiranë! 135 bebe që ishin me të në maternitet s’u testuan, ISHP analiza vetëm infermierëve
6 Janar 2023, 14:51
