POP 5

Lajmet më të lexuara të 5 minutave të fundit

Kronikë

Dita e 59-të e protestës tek Astiri, Balliu: Qytetarët do ta mposhtin Ramën, kauza e tyre do të fitojë

Banorët e Astirit vijojnë të protestojnë kundër projektit të zgjerimit të rrugës pasi një pjesë e banesave të tyre do të prishen.

Dita e 59-të e protestës tek Astiri, Balliu: Qytetarët do ta mposhtin Ramën, kauza e tyre do të fitojë

Klevis Balliu në protestën e banorëve të Astirit

TIRANË- Banorët e zonës së Unazës së Re edhe në ditën e parë të vitit kanë vijuar me protestën e tyre duke shënuar ditën e 59-të të saj. Pasi bllokuan rrugën në të dy akset e saj, banorët e Astirit vijojnë të protestojnë kundër projektit të zgjerimit të rrugës pasi një pjesë e banesave të tyre do të prishen.

Edhe gjatë ditës së sotme, në mbështetje të banorëve ishte dhe deputeti i Partisë Demokratike, Klevis Balliu.

"Jam i bindur që qytetarët e bashkuar do të arrijnë të mposhtin regjimin diktatorial të Edi Ramës. Protesta do të vazhdojë deri në anulimin e projektit, nuk ka opsion tjetër. Ata do t’ja dalin që të fitojnë kauzën e tyre. Në kabinet janë mbledhur miqtë e Edi Ramës. Ai qeverinë shqiptare e ka kthyer në biznes familjar,"-tha deputeti i PD-së. 

Në protestën e sotme, banorët kanë kërkuar plotësimin e 6 kërkesave: Anulimi i projektit të Unazës së Madhe; Rifillimi i procesit të legalizimit për të gjitha banesat; Rregullimi i kushteve të transportit publik në kryeqytet; Ulja e çmimit të karburantit dhe rritja e cilësisë së tij; Tu jepen punonjësve të policisë rroga e 13 orët suplementare dhe pagesa e dietave; Plotësimi i kërkesave të studenteve dhe rrëzimi i ligjit të Arsimit të Lartë.

Protesta e banorëve të Unazës së Re ka nisur rreth 2 muaj më parë. Banorët që preken nga ky projekt do t’ju shemben banesat, ndërsa ata që i kanë të legalizuara janë futur në një proces për të marrë dëmshpërblimin që iu takon. Banorët që kanë shtëpitë e tyre të palegalizuara mund të përfitojnë një bonus qiraje me afat 3-vjeçar nga Bashkia e Tiranës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Opozita protestë marshim në Shkodër/ Report Tv sjell pamjet me dron, shikoni pjesëmarrjen

Opozita protestë marshim në Shkodër/ Report Tv sjell pamjet me dron, shikoni pjesëmarrjen

2 Nëntor, 15:12