Dita e 5-të e bombardimeve, forcat izraelite vrasin 2 të rinj në Rripin e Gazës, plagosen disa të tjerë

Forcat izraelite kanë vrarë dy palestinezë dhe kanë plagosur tre të tjerë në Bregun Perëndimor të pushtuar ndërsa sulmet ajrore goditën Rripin e Gazës për të pestën ditë radhazi. Ministria palestineze e Shëndetësisë tha se sulmi izraelit të shtunën ndodhi në kampin e refugjatëve Balata në qytetin verior të Bregut Perëndimor të Nablusit.

Të dy të rinjtë, të identifikuar si Adnan Wasim Yousef al-Araj, 19 vjeç dhe Saed Jihad Shaker Mashah, 32 vjeç u vranë nga të shtënat me armë në kokë. Një nga të plagosurit ishte një grua rreth të 50-ave, e cila u qëllua disa herë.

Ushtria izraelite tha se ishte një operacion "anti-terrorizëm" që synonte operativët që kishin planifikuar sulme ndaj ushtarëve.

“Personat e armatosur qëlluan mbi forcat që u përgjigjën me mjete për shpërndarjen e trazirave dhe me zjarr të drejtpërdrejtë”, tha ai. “Dy nga terroristët ishin në shënjestër”.

Lëvizja Fatah e presidentit palestinez Mahmud Abbas tha se dy burrat e vrarë në bastisje ishin anëtarë të krahut të saj të armatosur, Brigadave të Martirëve Al-Aksa.

Një natë tjetër bombardimi

Ndërkohë, në Gaza, Izraeli kreu sulme ajrore për të pestën ditë, ndërsa sirenat u dëgjuan në jug të Izraelit pasi raketat u lëshuan nga territori i rrethuar.

"Ne dëshmuam një natë tjetër plot bombardime dhe lëshimi i raketave është intensifikuar në mëngjesin e hershëm të së shtunës," tha gazetarja e Al Jazeera, Youmna ElSayed.

Sulmet izraelite shënjestruan disa qytete në të gjithë rripin, duke përfshirë dy lagje të qytetit të Gazës që u shkatërruan plotësisht.

B.V/Shqiptarja.com

TAG:
• Izrael
• Palestine
• Rripin e Gazës