Dita e 6 e grevës/ Naftëtarja: Po të ishte gjallë nëna e kryeministrit do i thoshte 'ndihmoji ato gra'

FIER- Edhe pse kryeministri Edi Rama i ftoi një ditë më parë në negociata, duke u kërkuar të ndërpresin grevën, situata me naftëtarët në Ballsh vijon të mbetet e njëjtë.

Punonjëset e uzinës u shprehen të vendosura për të vijuar grevën e urisë deri në plotësimin e kërkesave. Ne e pranojnë dialogun, thanë ato, por i kërkuan kryeministrit zgjidhje konkrete. Ato shprehen se nuk do të dorëhiqen, edhe pse gjendja e tyre është e rëndë, teksa njëra prej tyre, tha se nëse do të ishte gjallë nëna e kryeministrit Edi Rama do i thoshte që t'i ndihmonin.

"Ne jemi në të njëjtin hall, kërkojmë rrogat e prapambetura dhe fillimin e punës. Jo shtet-privat, privat shtet. Zgjidhjen e ka Rama, këtu jemi le të vijë. Ne pranojmë dialogun, të vij të ulemi të negociojmë"

"Mami i zotit kryeministër, Zonja Anetë, i qoftë dheu i lehtë dhe të gjitha mamave e shqiptarëve që kanë vdekur, po po të ishte gjallë mami Anetë, apo ato nënat në të gjithë Shqipërinë, do të thoshin t'i ndihmonin këto gratë. Me tension shoqja ime e ngushtë që kam 34 vite që ha buk me tenion të lartë, ca nga stresi ca nga mos ushqyerja, nuk është e hijshme as për qeverinë as për askënd. I bëj thirrje dhe Ballukut, nuk kam ca them, nuk po kërkojmë luks, kërkojmë lekët tona dhe të rifillojmë punën", thanë grevistët.  

B.K./Shqiptarja.com

TAG:
• Fier
• naftetaret
• greva e urise