Dita e 60-të e protestës, disa nga banorët e Unazës së Re dogjën goma dhe bllokuan rrugën 60' (VIDEO)

Deputeti i PD, Klevis Balliu është shprehur se PD është gati që të hyjë në zgjedhje të parakohshme. “PD ka qenë dhe është gati jo vetëm për zgjedhje, por edhe për të qeverisur. PD do të hyjë në zgjedhje dhe ato do të jenë pa Ramën, pasi do të rrëzohet njëherë e mirë.

Policia mos merret me kapsollat, por të kapë kriminelët. Policët të hedhin kapelet dhe të dalin këtu. Cdo shoqërim që mund t’u bëhet banorëve të Unazës së Re do të shikohet si provokim dhe do të marrë reagimin e duhur” tha ai.

Njëri prej banorëve të Unazës së Re u shpreh se protestat do të vijojnë deri në realizimin e kërkesës së tyre, ndërsa shtoi se pas shkurtit nuk do të kemi më këtë qeveri. “Kryeministri nuk mund të anashkalojë banorët. Projekti të bëhet, por qytetarët të marrin dëmshpërblimin me vlerën e tregut. Ne nuk na ka ngelur asnjë rrugë tjetër, veçse qendrës sonë.

Shteti të kërkojë ndjesë për dramën që ka shkaktuar. Jemi të gjithë në këmbë 24 orë duke ruajtur shtëpitë. Do të vijë koha për të dhënë llogari të gjithë. Ky zaptuesi nuk ka parë gjë akoma. Do të vijë janari, shkurti, këto qeveritarë do të ikin. I bëj thirrje administratës të jenë korrektë me ligjin, pasi drejtuesit e tyre do të  ikin” tha ai.

Deputeti i PD, Klevis Balliu është shprehur se i mirëkupton banorët e Unazës së Re që po djegin goma dhe bllokojnë rrugën. “Po i mirëkuptoj, pasi po arrin kulmi dhe nuk kemi asnjë reagim nga kryeministri. Rama të kërkojë ndjesë. Demokratëve dhe socialistëve do u kërkoja të hapin sytë dhe të shikojnë cfarë po ndodh.

Nëse këta banorë nuk do të kishin rezistuar, shtëpitë e tyre do të ishin shembur. Nuk kam asnjë dyshim që banorët e Unazës do ta fitojnë këtë kauzë. Sikundër jam i sigurt që të gjithë qytetarët shqiptarë do ta fitojnë kauzën kundër qeverisë ilegjitime të ardhur në pushtet me paratë e drogës”tha ai.