Protesta e banorëve të Divjakës kundra reformës që e shkrin bashkinë me Lushnjen ka hyrë në ditën e shtatë. Banorët në fjalët e tyre kanë kërkuar si edhe gjatë protestave të mëparshme që bashkia e Divjakës nuk duhet të bashkohet me Lushnjen. Protestuesit kanë kërkuar ndër të tjera që deputetët që kanë marrë votat duhet të jenë në shesh përnatë në mbështetje të kauzës. 

"Sot askush nga këta nuk vjen këtu të na mbrojë, një kërkesë kemi ne. Askush s'vjen, askush s'përgjigjet", tha një protestues.

Disa të rinj dogjën edhe kartat e anëtarësisë së Partisë Socialiste.

"Protestoni derisa të marrim përgjigje pozitive."

"Divjaka do të ngelet qytet."

Protesta u mbyll pas marshimit në rrugët e qytetit.