POP 5

Lajmet më të lexuara të 5 minutave të fundit

Sociale

Dita e parë e 2022! Kryeqyteti ‘i boshatisur’, pa njerëz dhe pa trafik (VIDEO)

Mëngjesi i 1 janarit kishte një panoramë krejt ndryshe nga ditët e zakonta në kryeqytet. Rrugët që pothuajse çdo ditë karakterizohen nga trafiku sot ishin bosh, ndërsa të paktë ishin edhe qytetarët që kishin dalë të ecnin.

Stand Up: “Tirana e 1 janarit 2022, pak orë pas ndërrimit të viteve, është e qetë ndryshe nga çdo ditë e zakonshme. Rrugët janë, pasi shumë qytetarë zgjodhën të festojnë deri në orët e vona të mëngjesit ndërkohë që duket se ende nuk kanë nisur vizitat tek shtëpitë e njeri-tjetrit, ndoshta ndikuar edhe nga pandemia.”

Ndër ata që kishin nisur punën herët për këtë Vit të Ri ishin punonjësit e bashkisë, të cilët po pastronin kryeqytetin nga mbeturinat e një nate më parë.

Edhe pse pati shumë fishekzjarre, që ishin të ndaluar me ligj, apo grumbullime të mëdha njerëzish, panorama që ofronte kryeqyteti ishte e pastër.

Ndërkohë përveç lokaleve, të cilat kishin një freukuentim të ulët, pothuajse të gjithë bizneset e natyrave të tjera ishin me qepena ulur.

Sakaq qetësia mbizotëronte edhe te ‘Sheshi Skënderbej’ ku nata e 31 dhjetorit ofroi disa aktivitete të organizuara nga bashkia.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Zhdukja e 3-vjeçarit në Durrës, lihet në burg gjyshi dhe kunati i tij

Zhdukja e 3-vjeçarit në Durrës, lihet në burg gjyshi dhe kunati i tij

19 Prill, 14:51