POP 5

Lajmet më të lexuara të 5 minutave të fundit

Sociale

Dita e parë e shkollës, trafiku rëndon për disa orë kryeqytetin! Dyfish më shumë makina në qarkullim

Dita e parë e shkollës riktheu trafikun në kryeqytet. Për më shumë se tre orë me radhë Tirana u rendua në të gjitha rrugët, sidomos në akset pranë shkollave. Policia Rrugore dhe Policia bashkiake ishte e pranishme, por situata u qetësua vetëm pasi nxënësit nisën mësimin. Këtë të hënë në Tiranë qarkulluan dyfishi i makinave që lëvizin në ditë të zakonshme.

TIRANË- Fillimi i vitit të ri shkollor paralizoi kryeqytetin. Që prej orës 07.00 të mëngjesit deri në tre orë në vijim Tirana ishte e renduar nga trafiku dhe numri i madh i automjeteve në rrugë. Jo vetëm rrugët kryesore, por edhe ato dytësore ishin të bllokuara, sidomos në afërsi të shkollave, pavarësisht se policia rrugore dhe policia bashkiake ishin në krye të detyrës.

Unaza e Mesme e Tiranës, me pikat e saj kyçe Zogu i Zi, ish-Stacioni i Trenit, “Vasil Shanto”, Medreseja, shkolla “5 Maji” ishin të pakalueshme nga ora 07:00 deri në 10:00. Trafik i rënduar ishte edhe në Unazën e Re. Rruga “Teodor Keko” i ngjante së kaluarës, pavarësisht investimit në dy vitet e fundit. Por radha e makinave ishte e madhe edhe në rrugica të kryeqytetit, duke vijuar deri në Kamëz, Kombinat, Sauk dhe “Don Bosko”.  “Taxi Lux Albania”, sot u dyfishuan automjetet në Tiranë dhe për këtë ka disa arsye.

"Trafiku është shtuar ndjeshëm sot, mund të jenë rreth 30 mijë makina që lëvizin në Tiranë në këtë orë. Problemet nuk vijnë vetëm nga shtimi i makinave që lëvizin prindërit për të dërguar fëmijët në shkollë, janë shtuar edhe autobusët e shkollave. Si pasojë ka kaq shumë radhë në të gjitha rrugët kryesore", tha ai. 

Përtej vendimit të kryepolicit Muhamet Rrumbullaku, për shmangien e efektivëve në rrugë, këtë të hënë Policia Rrugore ishte përqendruar në akset problematike pranë shkollave.  Synimi ishte ndihma për prindërit shoferë dhe jo ndëshkimi. Kjo ishte vetëm dita e parë e një sezoni të gjatë, mes shirash dhe radhëve të gjata të trafikut në Tiranë.

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Adi: 12/09/2022 15:57

    Vazhdoni me ecure pake se ka nevoje trupi

    Përgjigju
  • ceni: 12/09/2022 15:31

    keshtu behet trafiku , kur e ke mbushur tiranen me pallate o erion veliaj

    Përgjigju
  • Une: 12/09/2022 14:31

    Qellimi i dites.. me mire 1 ore ne makine se 10 minuta ne kembe.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57