Organizohet mini-kampionati i futbollit, Veliaj: Do hapim 38 palestra të reja për të rinjtë

Organizohet mini-kampionati i futbollit, Veliaj: Do hapim 38 palestra të reja për të rinjtë

Foto gjatë organizimit

Përveç 62 palestrave, shkollave të Tiranës do u shtohen edhe 38 të tjera, të gjitha për të fëmijët dhe të rinjtë që duan të merren me sport. 
Sipas Zyrës së shtypit, kryetari i Bashkisë së Tiranës, Erion Veliaj, gjatë aktivitetit “Dita Kombëtare e Sportit në Katar” tha se palestrat do të shërbejnë jo vetëm për nxënësit e shkollave, por edhe pas mësimit për kurse sportive, futboll, volejboll, basketboll e aktivitete të tjera.

“Jeta nuk ka vetëm fitore apo jo!? Ndonjëherë fitojmë, ndonjëherë humbasim. Kur jemi skuadër, edhe fitoren e menaxhojmë me modesti, edhe kur humbim nuk është se vjen fundi i botës, se ka ndeshje prapë, apo jo”, tha Veliaj.

Ai falenderoi popullin e Katarit që i është ndodhur pranë qytetarëve të Tiranës, jo vetëm në ditë gëzimi, por edhe në ditë nevoje. 
“Jam sot shumë mirënjohës për mikun tim, ambasadorin Al Marri të Katarit, i cili na gjendet jo vetëm në ditët tona të nevojës, kur kemi përmbytje apo tërmete, por edhe në ditët tona të gëzimit. Ne kemi filluar një traditë, e filluam vjet me një mini-kampionat. Tani kampionati është pak më i madh, e gjithë Shqipëria do ju ketë zili sepse ju jeni të parët që keni luajtur me topat zyrtarë të kampionatit botëror të futbollit ‘Katar2022’”, u shpreh ai. 

Kryebashkiaku kishte edhe një këshillë për fëmijët: “Me një lule nuk vjen pranvera, thonë tironsit.” 
Ai ka këshilluar të gjithë të rinjtë dhe fëmijët që të jenë të ushqehen  shëndetshëm me fruyta e perime dhe të stërviten përditë.

Projekti i Bashkisë së Tiranës për hapjen e sa më shumë palestrave nëpër shkollat e kryeqytetit, është shtrirë në të gjitha institucionet arsimore dhe shfrytëzohen si hapësira sportive për fëmijët dhe të rinjtë.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Çeki: Zbulohet një rrjet propagande i financuar nga Rusia

Çeki: Zbulohet një rrjet propagande i financuar nga Rusia