Me autor David Foenkinos, që shkroi novelën ‘bestseller’ “Delikatesa”, pritshmëritë për komedinë “Dita më e bukur” janë të larta…
Shfaqet në Teatrin Eksperimental nën regjinë e Ledio Topallaj, e ka si synim, kërkimin e lumturisë, edhe me koston e ndryshimit rrënjësor të realitetit familjar…
“Është një komedi mbi emocionet njerëzore, mbi marrëdhëniet njerëzore, mbi divorcin, dashurinë... Flet mbi divorcin në stilin evropian dhe jo shqiptar, ku femra është e lirë, e pavarur, vendimmarrëse”, shprehet Zenelaj, që në këtë komedi interpreton në rolin e Mishelit.
Lehtësia e naiviteti me të cilën personazhet kapërcejnë tradhtinë bashkëshortore e atë shoqërore, duke vijuar jetën në një tjetër rrjedhë duken të largëta për realitetin shqiptar.
“Sa do të më pëlqente që kjo shfaqje të argëtonte, por edhe të edukonte njëkohësisht që zgjidhja e mosmarrëveshjeve në çift të ishte shumë paqësore e qytetare, siç ndodh në çdo vend të Evropës përveç Shqipërisë”, shton Zenelaj.
“Duke qenë se është pjesë franceze, edhe jeta në Francë rrjedh ndryshe. Ata janë më të hapur, në ndarjet, marrëdhëniet etj., ndërsa ne shqiptarët jemi pak më të sertë”, shprehet aktori Klodian Hoxha, që në pjesë interpreton rolin e Pierre.
E në fakt regjisori nuk përpiqet t’ia asociojë këtë mentalitet të hapur Shqipërisë, por kërkon të hapë përmes Foenkinos, një dritare drejt zgjedhjeve të tjera, që lejojnë për të gjitha palët, vazhdimësinë e jetës.
“Në thelb është dëshira e gjithsecilit nga ne, për të gjetur njeriun e përshtatshëm dhe lumturinë”, thotë aktorja Adelina Muça, që luan në komedi pjesën e Sofisë.
“Në kohët tona unë mendoj që shumë femra e gjejnë veten aty brenda, dhe uroj shumë që spektatori të vijë ta shikojë, ta shijojë. Është një komedi që të fal shumë të qeshura, por edhe të bën të reflektosh shumë”, shprehet Jorida Meta, e cila interpreton personazhin kryesor të komedisë, Natalinë.
Zilia lind nga mospërmbushja e ëndrrave vetjake, ndaj personazhet nxiten të dalin nga jeta e gënjeshtërt. Në më të mirën e rasteve, mund të duhet pak kohë për të mbërritur tek ndryshimi, ku e njëjta skenë dramatike pas një viti mund të vijë me ngjyrat e “Ditës më të bukur”…
Lajme të tjera
-
'Vallëzo me ne', shfaqje gala në TKOB nga Adela dhe Anxhelo Muçollari! Vëlla e motër 'celebrojnë' 15 vite në skenë
15 Nëntor, 15:49
-
“Një tigër në shtëpi”, shfaqja për fëmijë te Eksperimentali! Fundjava/ Muzikë, kërcim dhe humor për spektatorët e vegjël
11 Nëntor, 10:52
-
'Agnesa e Zotit', vepra e dramaturgut Pielmeier në Tiranë! Regjisori Kiço Londo sjell shfaqjen teatrore me tre aktore
7 Nëntor, 10:49
-
Festival ‘Mediums’ sjell shfaqjen ‘Tramvaj me emrin dëshirë’
31 Korrik, 12:05 -
Baleti kontemporan 'Uni' shfaqet me sukses në Durrës, Shqevi: 'Uni' na bën të rikthejmë vëmendjen te brendia jonë
27 Korrik, 14:34
-
“Hidhur”, të rinjtë me aftësi ndryshe ngjiten për herë të parë në skenë! Shfaqja në teatrin ‘Skampa’ të Ebasanit
12 Korrik, 15:45
-
Jetë kulturore në Fier! Çelet sezoni teatror deri në fund të tetorit, në skenë 11 shfaqje
25 Prill, 14:47
-
“Një shtrat plot me të huaj”, komedia premierë në Durrës
29 Mars, 17:27
-
Shfaqja ‘Nuk doja të vdisja e virgjër’ zbret në Lezhë! Monodrama 60 minutëshe u prit me interes nga qytetarët
5 Nëntor 2023, 15:21
-
Muzikali ‘Mamma mia’, për herë të parë në Tiranë, Veliaj: Mos mungoni
25 Korrik 2023, 14:50 -
Me pak shpirt shqiptar e shumë të qeshura, ‘Shtëpiakë të dëshpëruar’ në ArTurbina! Artan Imami: Lakmuesja ishte bashkëshortja! Pendesa për filmat e roli i partizanit te ‘Gjirokastra’
19 Qershor 2023, 14:30
-
Bëhuni gati, pas suksesit në rajon, rikthehet 'Shtëpiakë të dëshpëruar'! Imami, Çobani e Zenelaj me batuta që ‘mbërthejnë’ publikun
17 Qershor 2023, 13:10
