TIRANË- E marta pritej të shënonte përcaktimin e modelit të fletës në cilët qytetarët do të votonin më 25 prill, por pas 2 orësh, mbledhja e KQZ u mbyll pa një vendim.
Vendimi i kryekomisionerit për t'i dërguar Komisionit Rregullator 3 modele fletësh votimi dhe jo 1, bëri që anëtarët e Rregullatorit dhe përfaqësuesit e opozitës, t'i jepnin 24 orë kohë Celibashit për të propozuar vetëm një model të fletës së votimit.
Debat gjatë mbledhjes së Komisionit Rregullator shkaktoi edhe pretendimi i përfaqësuesit të Partisë Socialiste, Eridian Salinji, i cili tha se miratimi i fletës së votimit nuk është kompetencë e Rregullatorit, por vetëm i kryekomisionerit shtetëror të Zgjedhjeve.
Pjesë e diskutimeve ishin edhe përfaqësuesit e partive të reja, të cilët kërkuan që pavarësisht se kush do e merrte vendimin, Celibashi apo rregullatori, të bazoheshin në sondazhin e KQZ, ku janë pyetur qytetarët se cilën model flete votimi do të dëshironin, dhe më shumë se 70% e tyre kanë preferuar atë, ku kandidatët identifikohen përmes emrit dhe jo numrit të renditjes në listat e partive.
Modelet e fleteve te votimit
Përfundon pa një vendimmarrje mbledhja e Komisionit Rregullator, pa një vendimmarrje. Kryekomisionerit Ilirjan Celibashi iu la kohë 24 orë për të sjellë vetëm një propozim.
Debate në mbledhjen e Komisionit Rregullator për miratimin e fletës së votimit.
Eridian Salianji, përfaqësues i PS: Komisioni nuk e ka kompetencë, duhet të vendosë kryekomisioneri fletën e votimit. Ne nuk kemi përse bëjmë me shkrim kërkesë, ne flasim në momentin që shqyrtohet akti i fletës së votimit. Ju duhet të çoheni nga aty (rregullatori) dhe të ulet Celibashi, të vazhdojmë mbledhjen derisa të vendoset fleta
Kryekomisioneri Ilirjan Celibashi është shprehur se nuk i ka paraqitur një fletë votimi të caktuar, por 3 variante
"Projekt akti i cili ka për qëllim miratimin e fletës së votimit, numri i kandidatëve në çdo qark është i ndryshëm, kemi vlerësuar që vendimmarrja të jetë e veçantë për secilin qark.
Nuk kam paraqitur një propozim konkret sesi do jetë fleta e votimit, por kam paraqitur 3 variante sipas të cilit mund të jetë fleta e votimit, në 2 prej tyre është me emër, mbiemër kandidati dhe në një variant të tretë, përmbajtja e fletës së votimit është pa emra, kandidatët janë me numrat e renditjes në lista", tha Celibashi.
Megjithatë, kjo është kundërshtuar nga Anëtarja e Komisionit Regullator, Helga Vukaj. Ajo tha se nga sondazhi në Facebook, i hapur në Facebook të KQZ, shqiptarët kanë votuar më së shumti fletën e votimit me emra.
"Më në fund erdhëm edhe te akti më i rëndësishëm, miratimi i fletës së votimit, i cili është në kompetencën e Komisionit Rregullator si akt ligjor, por në kuadrin kur propozuesi është zoti Celibashi dhe ka paraqitur 3 variante, unë kam paqartësinë e ndarjes që duhet t'i bëjmë, akti paraqitet 1 dhe i vetëm dhe prurja në 3 versione na bën të paqartë se cili është vendimi i komisionerit, ndaj ai duhet të na paraqesë 1 version. Mirëpres sondazhin në KQZ dhe është e dukshme se cilën fletë duan shqiptarët, e cila mund të na orientojë për një vendim", tha Vukaj.
Ka nisur mbledhja e Komisionit Rregullator për miratimin e përmbajtjes së fletës së votimit.
Lajme të tjera
-
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Celibashi takohet me VanHorn, e informon për përpjekjet e KQZ para zgjedhjeve parlamentare! E Ngarkuara me Punë shpreh mbështetjen e SHBA për zgjedhje të drejta
13 Dhjetor, 13:37 -
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
Vota e diasporës në zgjedhjet 2025, regjistrimi nga 11 janari -11 mars! Aplikacioni i KQZ drejt përfundimit, ja dokumentet që duhen! Kujdes adresën
9 Dhjetor, 16:52
-
Numërimi elektronik, KQZ auditon procesin e zgjedhjeve 2023 për bashkitë Vorë, Elbasan dhe Kamzë: Regjistrim i të gjitha votave me saktësi
9 Dhjetor, 13:07 -
'Vota e diasporës të numërohet nga KQZ', Celibashi: Partitë vetëm të vëzhgojnë! Debate te Rregullatori, shtyhet vendimi
7 Dhjetor, 11:30
-
Eduard Zaloshnja: 48.1% e shtetasve shqiptarë nuk banojnë në Shqipëri
6 Dhjetor, 15:48
-
Qeveri teknike? Gjiknuri në Report Tv: S’ është në agjendën tonë! PS në gjendje të fitojë e vetme zgjedhjet 2025! Të avantazhuar përballë opozitës së përçarë
5 Dhjetor, 19:14
