Caktohet stafi i Ramës në OSBE, Ditmir Bushati i dërguari i posaçëm

Pasi Shqipëria mori zyrtarisht zyrtarisht Presidencën e OSBE-së që do ta drejtojë përgjatë vitit 2020, në faqen zyrtare të kësaj organizate është publikuar edhe stafi i ri  që do të drejtohet nga Kryetar i OSBE-së Edi Rama. Mes emrave që spikasin në këtë staf është edhe ish-ministri i Punëve të Jashtme Ditmir Bushati, i cili është caktuar si i dërguar i posaçëm i Ramës në OSBE. Bushati do i duhet të përcjellë qëndrimet e drejtuesit të organizatës. Atje (në takimet në vende të ndryshme) ku nuk shkon kryetari i OSBE-së, Edi Rama, shkon Ditmir Bushati dhe reflekton pozicionin e kryetarit të OSBE.

"Ditmir Bushati- I Dërguari Special i Kryetarit të Zyrës së OSBE-së" thuhet në faqen zyrtare të OSBE. 

Nërkohë në faqen e OSBE-së shpjegohet edhe pozicioni i Kryetarit kundrejt stafit.

"Kryetari i Zyrës merr një kryesim në parandalimin e konflikteve, zgjidhjen dhe rehabilitimin në rajonin e OSBE-së, duke marrë kontakte të drejtpërdrejta me palët në fjalë dhe rregullimin ose zhvillimin e negociatave për zgjidhje. Për të trajtuar krizat ose për të siguruar një bashkërendim më të mirë të përpjekjeve të shteteve pjesëmarrëse në fusha të veçanta, Kryetari mund të emërojë përfaqësues personal ose të veçantë. Përfaqësuesit personalë kanë një mandat të qartë dhe të saktë, i cili përshkruan detyrat që pritet të ndërmarrin." thuhet nga OSBE.

Stafi i plotë:

Ambasadori Heidi Grau 
Përfaqësues Special i Kryetarit të OSBE-së, Zyra në Ukrainë dhe në Grupin e Kontaktit Trilateral

Ambasadori Rudolf Michalka
Përfaqësues Special i Kryesuesit të OSBE-së për Kaukazin e Jugut

Ambasadori Thomas Mayr-Harting 
Përfaqësuesi Special i Kryetarit të OSBE-së për procesin e zgjidhjes së transdniestrisë

Ambasadori Andrzej Kasprzyk
Përfaqësuesi Personal i Kryetarit të Zyrës së OSBE-së për konfliktin e trajtuar nga Konferenca e Minsk OSBE-së

Kolonel Sulo Mustafaraj
Shef i Grupit të Planifikimit të Nivelit të Lartë 

Volker Frobarth
Përfaqësues në Komisionin e Përbashkët Letonez - Rus për Pensionistët Ushtarak;

Rabbi Andrew Baker
Përfaqësuesi Personal i Kryesuesit të OSBE-së për Luftimin e Anti-Semitizmit

Profesor Regina Polak 
Përfaqësues Personal i Kryetarit të Zyrës së OSBE-së për Luftimin e Racizmit, Ksenofobisë dhe Diskriminimit, duke u përqëndruar edhe në Intolerancën dhe Diskriminimin ndaj të Krishterëve dhe Anëtarëve të Feve tjera 

Ambasadori Mehmet Paçacı
Përfaqësuesi Personal i Kryesuesit të OSBE-së për Luftimin e Intolerancës dhe Diskriminimit ndaj Myslimanëve

Ambasadori Melanne Verveer
Përfaqësuesi Special i Kryesuesit të OSBE-së për Gjininë;

Paola Severino
Përfaqësues Special i Kryetarit të Zyrës së OSBE-së për Luftimin e Korrupsionit

Valiant Richey
Përfaqësues Special dhe Koordinator i OSBE-së për Luftimin e Trafikimit të Qenieve Njerëzore

Alba Brojka
Përfaqësues Special i Kryesuesit të OSBE-së për Rininë dhe Sigurinë;

Edi Rama e konsideroi marrjen e kryesimit të OSBE një moment historik për Shqipërinë.  "Është një ditë shumë e rëndësishme. Jam shumë krenar dhe ka një bashkëpunim shumë të mirë. Këtu kemi një ekip shumë të mirë me njerëz të nacionaliteteve të ndryshme" tha Rama.

Ndërkohë 18 nga punonjësit në zyrën e OSBE-së janë shqiptarë ose 60% dhe 12 janë të huaj ose 40% e stafit prej të cilëve 2 italianë, 2 gjermanë, 2 norvegjezë, një austriak, një zviceran, etj. 

TAG:
• edi rama
• ditmir bushati
• OSBE
• osce