Divorcet në Fier, 440 kërkesa
për zgjidhje martese në 8 muaj

Rritja e numrit të divorceve është kthyer në një problem për shoqërinë shqiptare aq sa e ka lëkundur fort ‘’institucionin e martesës’’ në Shqipëri. 

“Zgjidhja e martesës” nuk është më një tabu, por një problem që është shtrirë në gjithë shoqërinë shqiptare. 

Në gjykatën e Rrethit gjyqësor Fier janë rregjistruar 440 kërkësa për zgjidhje martese për 8 mujorin e parë të 2016. 

Nëse do të bënim një krahasim me të njëjtën periudhë të vitit të kaluar, ka një rritje me 20 raste të kërkesave për zgjidhje martese në Fier. 

Sipas avokatit Adrian Merdani, i cili ka qenë i pranishëm në seanca të shumta gjyqësore për zgjidhje martese, ky problem është social, ekonomik, por nuk përjashton edhe raste që mund të jenë psikologjike. 

Pikerisht këto bëhen shkak që marrëdhëniet bashkëshortore të tronditen deri të divorci .

Nga ana tjetër, 20 çifte kanë tërhequr kërkesën për divorc pas ndërhyrjes së familjarëvë të tyre dhe ndërmjetësimit në gjykatë.

Gjendja ekonomike e bashkëshortëve, veset si droga, bixhozi, alkooli, niveli arsimor si dhe mentaliteti bëjnë që të krijohen marrëdhënie të vështira në çift duke shkuar tek zgjidhja ekstreme që është divorci.

Redaksia Online
XH.K/shqiptarja.com