POP 5

Lajmet më të lexuara të 5 minutave të fundit

VIP & Spektakël

Dj Sardi: Më mungon jeta e natës, koronavirus më ka pezulluar shumë projekte (VIDEO)

Në një lidhje direkte në emisionin “Rreze Dielli” Dj Sardi thotë se kanë qenë kërkesat dhe fjalët e ngrohta të njerëzve që e kanë bërë vazhdojë muzikën edhe nga karantina, por pranon se i mungon jeta e natës dhe  përditshmëria e jetës normale në Tiranë.

Një nga Dj më të njohur, por edhe më të dashur për publikun Sardi Shehu është një nga artistët që ka vijuar të dhurojë muzikë të bukur nga shtëpia e tij në livestram, por edhe një nismë e ndërmarrë së bashku me bashkinë e Tiranës për të dhuruar muzikë të gjithë kryeqytetasve e ka mbajtur atë pranë publikut edhe në ditët e izolimit.

I ftuar në emisionin “Rreze Dielli” ai thotë se kanë qenë kërkesat dhe fjalët e ngrohta të njerëzve që e kanë bërë vazhdojë muzikën edhe nga karantina, por pranon se i mungon jeta e natës dhe  përditshmëria e jetës normale në Tiranë.

“Më mungon jeta e natës, ajo tregon që ka gjallëri festë, kjo na mungon besoj të gjithëve.

Unë e kam edhe punë praktikisht, nuk kënaqem aq shumë sa klientët. Më mungon edhe jeta ditën,gjallëria e Tiranës. Kam patur shumë projekte që më ka pezulluar kjo situatë, por kam qëndruar në piano në shtëpi” shprehet Dj I njohur.

 

Rendit zhvillimet sipas orarit:
Ora 12:35
Së shpejti koncert recital me këngët e kompozitorit Flamur Shehu, djali i tij Dj Sardi zbulon detajet (VIDEO)

Djali i një prej kompozitorëve më të shquar të vendit, Dj Sardi, në një lidhje direkte ditën e sotme në emisionin "Rreze Dielli" me gazetaren Suada Daci ka treguar për planet që koronavirus i preu në mes.


Sigurisht që një prej DJ më të njohur në vend, Sardi ka mjaft projekte aktualisht, por ndërkohë ai zbulon se shumë shpejt do të vijë një koncert recital në bashkëpunim me orkestrën e RTSH me këngët e babait të tij, kompozitorit Flamur Shehu.
'E kam menduar rikthimin e këngëve të babait, por në një version tjetër, sepse në diskoteka është e vështirë të luhen dhe zakonisht nëse luhen duhet të luhet origjinalja. Por kam menduar një projekt, po themi së bashku me orkestrën e RTSH dhe operën për një koncert recital me operan më vonë besoj, pasi të bëhen përgatitjet, me të gjitha këngët që kanë fituar në festivale, që janë goxha", sqaron Sardi. 
Flamur Shehu është autor këngësh shumë i njohur. Flamur Shehu është një ndër kompozitorët më produktiv. Në arkivin e tij numëron mbi 500 këngë, një shifër shumë domethënëse. Ka dy çmime të para (një në Festivalet e RTSH, dhe një në Koncertet e Pranverës) dhe 17 çmime të para dhe të dyta të shtrira në kohë.

D.M./Shqiptarja.com

D.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Media amerikane: Raketat e lëshuara nga Izraeli kundër Iranit kanë teknologji për t'iu shmangur radarëve

Media amerikane: Raketat e lëshuara nga Izraeli kundër Iranit kanë teknologji për t'iu shmangur radarëve

20 Prill, 16:01