DJ shqiptar aksidentohet për vdekje pas koncertit në Itali! Ferrari me 200 km/h përplaset me anësoret dhe bëhet copash (Foto)

DJ shqiptar aksidentohet për vdekje pas koncertit në Itali! Ferrari me 200 km/h përplaset me anësoret dhe bëhet copash (Foto)

DJ që ndërroi jetë në aksident

Një shqiptar i Kosovës me banim në Zvicër ka humbur jetën në një aksident tragjik në Itali teksa udhëtonte me një mjet tip ‘Ferrari’ të dielën.

Mediat italiane shkruajnë se Ferrari i bardhë po lëvizte me shpejtësi mbi 200 km/h kur ka rrëshqitur në rrugën e lagësht dhe është përplasur në anësore. Makina  u copëtua, copat u shpërndanë dhe flakë të mëdha u panë në autostradë. Bashkë me shqiptarin në makinë ishte dhe një grua e cila po ashtu ka ndërruar jetë.

40-vjeçari Isa Q. vetëm disa orë para vdekjes ishte në një klub nate në kantonin e Valais dhe pas performancës ishte nisur me Ferrari për në Itali. Vëllai i tij 41-vjeçar Agim Q. ka konfirmuar se automjeti i përkiste atij.

“Është e vështirë ta përshkruash me fjalë këtë person të madh dhe pozitiv. Por nëse do të më duhej ta përshkruaja me një fjalë, do të thosha se ai ishte personi më i dashur që e kam njohur”, tha ai.

Vëllai i viktimës thotë se nuk e di se si ndodhi aksidenti, kush ishte në timon dhe kush ishte viktima tjetër.

“Për momentin nuk kemi marrë shumë informacion nga policia. Vëllai im tjetër, i cili jeton në Itali, tani kujdeset për gjithçka.” 

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lombardi: 01/04/2024 18:22

    Eshte e cuditshme se si i lejon Italia qe te futen nga Zvicrra dhe te terbohen neper rruget italiane duke parakaluar zig zak si ti doje qejfi ngaqe e dine se nuk gjobiten. Po ta besh ne Zvicerr me targa te huaja te denojne pervec gjobes edhe qe te mos futesh brenda shtetit nga 3muaj e lart.

    Përgjigju
  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

GOLAT/ Ndicka rrëzohet në fushë, shtyhet Udinese - Roma! Inter lë festën e titullit për në derbi, ndalen Milani dhe Napoli

GOLAT/ Ndicka rrëzohet në fushë, shtyhet Udinese - Roma! Inter lë festën e titullit për në derbi, ndalen Milani dhe Napoli