Do kryenin atentat? Apeli konfirmon burg për kunatin dhe mikun e Erion Alibej! Arben Spahiu lihet në qeli pa afat, Preçi 60 ditë pas hekurave

Do kryenin atentat? Apeli konfirmon burg për kunatin dhe mikun e Erion Alibej! Arben Spahiu lihet në qeli pa afat, Preçi 60 ditë pas hekurave

Arben Spahiu dhe Arsen Prençi

Arben Spahiu dhe Arsen Preçi do të mbeten në burg. Ky ka qenë vendimi i Gjykatës së Apelit sot e cila ka konfirmuar vendimmarrjen e gjykatës së Elbasanit Ato akuzohen se kanë marrë urdhër nga Erion Alibej për të vrarë 'Otin e Elbasanit', atentat që dështoi pasi u zbulua BMË X6 me 3 kallashnikovë brenda. Ndaj Arben Spahiut u vendos masa e sigurisë "burg pa afat", ndërsa për Arsen Preçin u vendos masa e sigurisë "burg me afat 2 muaj".

Teksa vijojnë hetimet për makinën BMË X6 që u gjet e mbushur me armë, një prej dyshimeve është për eliminimin e Otit të Elbasanit ndërsa një tjetër pistë lidhet me një inskenim të mundshëm të ngjarjes me synim fundosjen dhe arrestimin e Arben Spahiut dhe mikut të tij Arsen Preçi. Vetë 51-vjeçari Spahiu i tha grupit hetimor që dikush donte t’i bënte keq, pa përmendur persona të dyshuar.

Megjithatë, prokuroria e Elbasanit pret rezultatet e ekspertimit të armëve, mjeteve të gjetura brenda çantës marsup të hedhur në koshin e mbeturinave, e cila u gjet nga policia, mes tyre edhe çelësi i mjetit BMË X6, dhe vetë makinës, për të parë përputhshmërinë e shenjave të gishtave dhe materialeve të tjera biologjike me ato të Spahiut dhe Preçit. Arrestimi i të dyve u bë pas lidhjes së dokumenteve të falsifikuara greke me fytyrën e Spahiut dhe çelësit të makinës, por edhe afërsisë së vendit ku mbahej makina me banesën e Erjon Alibejt.

K.T./A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Armë për Ukrainën/ A mund të ndihmojë Ballkani Perëndimor?

Armë për Ukrainën/ A mund të ndihmojë Ballkani Perëndimor?