'Do shkojmë në Botëror, ndoshta dhe do ta fitojmë!' Mancini nuk e bën dramë 'playoff-in' për Italinë

Ashtu si katër vite më parë Italia vijon të shohë makthe. Kjo pasi kampionët e Europës nuk kanë shkuar më shumë se një barazim 0-0 kundër Irlandës së Veriut në ndeshjen e fundit kualifikuese të Botërorit, duke humbur vendin e parë në favor të Zvicrës, që nga ana tjetër fitoi 4-0 kundër Bullgarisë për të prerë direkt një biletë për ‘Katar 2022’.

Trishtim te Italia që shkon në ‘play-off’ dhe rrezikon seriozisht që ashtu si katër vite më parë të mbesë jashtë Botërorit. Në përfundim të barazimit me Irlandën e Veriut trajneri Mancini ‘qan’ gabimet e bërë rrugës, ndërsa shprehet i bindur se do të shkojnë në Botëror dhe ‘ndoshta do ta fitojnë atë’. Ndeshjet e ‘play-off’ do të luhen në mars dhe kush kombëtare synon t’ia dalë duhet me patjetër të eliminojë dy kundërshtarë.

Ndërkohë në grupin I ku bën pjesë edhe Shqipëria, Anglia ka shpërtalluar me rezultatin 0-10 San Marinon. Në këtë ndeshje mbi të tjerët shkëlqeu Harry Kane që realizoi katër gola, duke shkuar në kuotën e 12 realizimeve në kualifikueset e Botërorit dhe duke marrë titullin e golashënuesit në dëm të Depayt me 11 gola.

Ndeshja tjetër e grupit I mes Polonisë dhe Hungarisë është mbyllur me rezultatin 1-2.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kush fiton më shumë bashki në zgjedhjet e pjesshme vendore Basha apo Berisha?



×

Lajmi i fundit

John

‘Kur putha Bujar Asqeriun shkalloi farefisi’, Arjola Demiri rrëfen vështirësitë që ka hasur në karrierë