Do votoni marrëveshjen në Kuvend? Hajdari: Rama të mbajë premtimin, të diskutojmë ndryshimin e sistemit

E pyetur nëse do ta votonte këtë marrëveshje në Kuvend pa u ndryshuar dhe pa reflektuar kërkesat e tyre, Rudina Hajdari tha se Rama duhet të mbajë premtimin e tij se ndryshmi i sistemit do të diskutohet në një fazë të dytë për t'u realizuar në zgjedhjet e ardhshme.

"Në seancën e fundit të Kuvendit i kërkova Ramës të mbajë premtimin, ku unë  e firmosa një marrëveshje dhe e bëra për hir të integrimi dhe për të patur një stabilitet politik, por kjo nuk është e mjaftueshme dhe mazhoranca të mbajë premtimin dhe të ngjis shkallën tjetër atë të ndryshimit të sistemit, për ta realizuar atë në zgjedhjet e ardhshme dhe jo për ta shtyjë atë. Nuk e di çdo bëjë Rama por ne do të kërkojmë vazhdimisht të ulemi për këto kërkesa", tha Hajdari.

Ajo shtoi se do të ishte e padrejtë që kjo reformë të votohet me 84 vota të blera, pasi është një reformë me rëndësi për të ardhmen e vendit.

"Kjo reformë nuk duhet të kalojë në parlament  duke patur vetëm 84 vota të blera e të shantazhuara, por duhet të ketë gjithëpranim pasi është një reformë që jo vetëm ndihmon vendin  por dhe të ardhmen e Shqipërisë drejt BE. Nuk do të ishte e drejtë që  një reformë e tillë të mbështetet vetëm nga mazhoranca", tha Hajdari.

Lajmi kryesor:

'Repolitix'/ Hajdari zbulon ç'ndodhi në Këshillin Politik: Pati vullnet, ndërkombëtarët s'bën presion për ndryshim sistemi, se tre partitë nuk e deshën dhe s'kishte kohë

TAG:
• reforma zgjedhore
• repolitix
• Rudina Hajdari
• Këshilli Politik për Reformën Zgjedhore
• keshilli politik