POP 5

Lajmet më të lexuara të 5 minutave të fundit

Kosova & Rajoni

Dodik në Moskë, Putin e falenderon për neutralitetin ndaj Ukrainës

Udhëheqësi i serbëve të Bosnjës, ka mbajtur lidhje të ngushta me Putin pavarësisht luftës së Rusisë në Ukrainë dhe kjo është kritikuar shpesh nga Bashkimi Europian.

Dodik në Moskë, Putin e falenderon për neutralitetin ndaj Ukrainës

Foto ilustruese

Presidenti rus Vladimir Putin falënderoi presidentin i Republikës Serbe të Bosnjës, Milorad Dodik, për qëndrimin neutral ndaj Ukrainës. Kështu shkruan agjencia e lajmeve ruse, Ria Novosti, duke saktësuar se takimi i dy liderëve është zhvilluar sot në Moskë.

"Ne u jemi mirënjohës për pozicionin tuaj neutral ndaj ngjarjeve në Ukrainë. Vetëm një pozicion i tillë mund të çojë në një lloj vendimi pozitiv" tha Putin, citon agjencia e lajmeve ruse.

Vizita e Dodik në Moskë është kritikuar nga Bashkimi Europian, ndërsa agjencia e lajmeve Reuters shkruante dje se në takimin e sotëm pritej të diskutohej edhe çmimi i gazit dhe ndërtimi i një tubacioni të ri të gazit nga Rusia.

Bosnja merr gazin rus nëpërmjet Serbisë dhe Bullgarisë nga gazsjellësi nënujor Turk Stream.

Në janar të 2023 udhëheqësi serb i Bosnjës nderoi presidentin rus Vladimir Putin me medaljen më të lartë të nderit për “kujdesin dhe dashurinë e tij patriotike” për gjysmën e Bosnjës të kontrolluar nga serbët.

Medalja u dha me rastin e “ditës së Republikës Srpska”, e cila është konsideruar e paligjshme nga Gjykata Kushtetuese e Bosnjës.

Udhëheqësi i serbëve të Bosnjës, Dodik, ka mbajtur lidhje të ngushta me Putin pavarësisht luftës së Rusisë në Ukrainë dhe kjo është kritikuar shpesh nga Bashkimi Europian.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

PS me zyra në ndihmë të diasporës , Klosi injoron akuzat e opozitës: S'mjafton KQZ, duhen asistuar atje, 1 në 3 refuzohet! Në Tiranë më shumë forca për 11 majin

PS me zyra në ndihmë të diasporës , Klosi injoron akuzat e opozitës: S'mjafton KQZ, duhen asistuar atje, 1 në 3 refuzohet! Në Tiranë më shumë forca për 11 majin

27 Janar, 15:42 nga Raziela Myslimaj