Dogji mbeturinat në portën e tij, por zjarri i doli nga kontrolli duke djegur ullinjtë e Belshit, arrestohet i riu! Një tjetër në kërkim në Librazhd, dogji Krepat e Xhakës

Një 26-vjeçar është arrestuar pasi akuzohet se dogji një sipërfaqe prej 450 rrënjë ulliri në zonën e Belshit. Nexhip Hortja 26 vjeç, banues në fshatin Dragot, Belsh, duke djegur disa mbeturina në pronën e tij, zjarri i ka dalë jashtë kontrollit dhe për pasojë janë djegur ullinjtë në pronësi të shtetasve Q.B., dhe M.Q.

Edhe në Librazhd është shpallur një 52-vjeçar në kërkim, pasi akuzohet se i ka vënë zjarrin vendit të quajtur "Krepat e Xhakës", ku si pasojë është djegur një sipërfaqe toke me bimësi të ndryshme. Riza Duka, 52 vjeç, banues në fshatin Xhyrë, Librazhd, është shpallur në kërkim për veprën penale "Shkatërrimi me zjarr i pyjeve dhe i mjedisit pyjor".

Lajmi kryesor:

Zjarret në vend, 5 të arrestuar, 1 në kërkim! Dy kushërinj i vunë zjarrin pyjeve në Kreshpan dhe Gjorgos në Fier për të hapur kullota për bagëtitë

TAG:
• Durres
• Fier
• belsh
• Arrestime
• zjarret ne vend