Zjarret në vendin tonë prej javës po bëjnë kërdinë duke djegur bimësinë nga veriu në jug. Shumica e këtyre vatrave ishin të qëllimshme dhe për disa prej tyre janë gjetur edhe autorët, 5 persona janë arrestuar për vënien të zjarrit ndërsa një tjetër është shpallur në kërkim.
Dy kushërinj janë arrestuar pasi akuzohet se i kanë vënë zjarrin fshatit Gjorgos në Fier, që vijon të digjet edhe sot. Në pranga ranë Arben Muskaj, 49 vjeç dhe Zarif Muskaj, 41 vjeç, banues në Afrim i Ri, Fier, të cilët në bashkëpunim me njëri-tjetrin i vunë zjarrin pyllit të fshatit Gjorgos. Burime për Report Tv, i vunë zjarrin pyllit për të hapur kullota për bagëtitë.
Më 6 gusht 2021, Arben dhe Zarif Muskaj i vunë zjarrin pyllit të fshatit Gjorgoz, Fier, ku është djegur një sipërfaqe prej 4 hektarë me shkurre e pisha. Gjithashtu po këto dy persona akuzohen si zjarrvënës në pyllin e fshatit Kreshpan në datë 28 korrik 2021.
Materialet në ngarkim të tyre i kaluan Prokurorisë pranë Gjykatës së Shkallës së Parë Fier për veprën penale “Shkatërrimi i pronës me zjarr” e kryer në bashkëpunim.
Ndërkohë një 49-vjeçar Artur Beqiri në Durrës u arrestua sepse i vuri flakën një sipërfaqe toke me kallamishte, në një kodër të Spitallës. Si pasojë e flakës u dogj një sipërfaqe prej 4 mijë metër katror. Për zjarrin në Belsh, u vu në pranga Nexhip Hortja, i cili po digjte mbeturinat por i doli zjarri jashtë kontrollit. Edhe në Librazhd Riza Duka u shpall në kërkim po për të njëjtën akuzë.
Arrestohet 47 vjeçari Ekrem Onuzini i cili akuzohet se i ka vënë zjarrin malit të Gjallicës në Kukës. Në momentin e arrestimit, policia i ka gjetur 47 -vjeçarit një armë zjarri kallashnikov, me dy karikatorë dhe municion luftarak.
Njoftimi i policisë:
I vuri zjarrin malit të Gjallicës, identifikohet dhe arrestohet në flagrancë nga Policia. Në momentin e arrestimit, Policia i ka gjetur 47- vjeçarit një armë zjarri kallashnikov, me dy karikatorë dhe municion luftarak.
Strukturat e Komisariatit të Policisë Kukës me marrjen e njoftimit se në vendin e quajtur Sasat, në malin e Gjallicës, ka rënë zjarr, menjëherë kanë shkuar në vendin ku kishte rënë zjarr dhe pas disa orësh duke punuar me mjete rrethanore, kanë bërë të mundur vënien nën kontroll të zjarrit dhe më pas shuarjen e tij.
Strukturat e Komisariatit të Policisë Kukës, në vijim të veprimeve për identifikimin dhe vënien para përgjegjësisë ligjore të autorëve të zjarrëvënies të qëllimshme apo nga pakujdesia, bënë të mundur identifikimin dhe arrestimin në flagrancë të shtetasit E. O., 47 vjeç, banues në fshatin Nang, si autorë i dyshuar i zjarrit në vendin e quajtur Sasat, në malin e Gjallicës. Gjithashtu, gjatë kontrollit të ushtruar, Policia i gjeti dhe sekuestroi një armë zjarri kallashnikov dhe municion luftarak.
Materialet i kaluan Prokurorisë së Rrethit Gjyqësor Kukës, për veprat penale “Mbajtja pa leje e armëve dhe municionit luftarak” dhe “Shkatërrimi i pronës me zjarr”.Drejtoria Vendore e Policisë e Policisë Kukës apelon për të gjithë banorët, që në asnjë rast mos shkaktojnë zjarrvënie pasi do përballen me ligjin. Policia fton qytetarët që të denoncojnë në numrin 112 dhe Komisariatin Dixhital për çdo rast të zjarrvënies apo të paligjshmërisë në tërësi duke ju garantuar anonimatin dhe reagim të shpejtë e të paanshëm nga strukturat policore.
Këto janë pamjet live që na vijnë nga mali i Dukatit. Prej më shumë se dy javësh në Dukat vijon zjarri duke shkatërruar kështu bimësinë e zonës. Siç duket nga pamjet e siguruara nga Report Tv, vendi është mbuluar nga një re e madhe tymi, ndërsa forcat e zjarrfikëses vijojnë të jenë në terren për të shuar flakët.
Një 26-vjeçar është arrestuar pasi akuzohet se dogji një sipërfaqe prej 450 rrënjë ulliri në zonën e Belshit. Nexhip Hortja 26 vjeç, banues në fshatin Dragot, Belsh, duke djegur disa mbeturina në pronën e tij, zjarri i ka dalë jashtë kontrollit dhe për pasojë janë djegur ullinjtë në pronësi të shtetasve Q.B., dhe M.Q.
Edhe në Librazhd është shpallur një 52-vjeçar në kërkim, pasi akuzohet se i ka vënë zjarrin vendit të quajtur "Krepat e Xhakës", ku si pasojë është djegur një sipërfaqe toke me bimësi të ndryshme. Riza Duka, 52 vjeç, banues në fshatin Xhyrë, Librazhd, është shpallur në kërkim për veprën penale "Shkatërrimi me zjarr i pyjeve dhe i mjedisit pyjor".
Një 49-vjeçar ka rënë në prangat e Policisë pasi i kishte vënë flakën një sipërfaqe toke me kallamishte. Ngjarja ka ndodhur në një kodër të Spitallës në Durrës. Si pasojë e flakës u dogj një sipërfaqe prej 4 mijë metër katror.
Burime për Report Tv mësojnë se 49-vjeçari është identifikuar si Artur Beqiri, banues në Durrës. Ndaj 49-vjeçarit rëndon akuza për veprën penale "Shkatërrim i pronës me zjarr".
“Specialistët për Hetimin e Krimeve në Komisariatin e Policisë Durrës, arrestuan në flagrancë për veprën penale "Shkatërrim i pronës me zjarr", shtetasin A. B., 49 vjeç, banues në Durrës. Ky shtetas ditën e djeshme në lagjen nr.15, Durrës, i ka vënë zjarrin një sipërfaqe toke, ku është djegur rreth 4.000 m² me bimësi të egër kallamishte”, shkruhet në njoftim.
Lajme të tjera
-
Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh
24 Nëntor, 19:34 -
Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!
24 Nëntor, 19:21 -
Tentoi të vriste 47 vjeçarin në Fier, arrestohet pas 3 vitesh
24 Nëntor, 10:39 -
Durrës/ Plagosje me thikë në lagjen nr.4! Kapen dy vëllezërit, 32 vjeçari dërgohet në spital (EMRAT)
23 Nëntor, 20:19 -
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Elbasan/ Iu gjet 130 litra naftë e kontrabanduar në shtëpi arresrohet, 29 vjeçari
23 Nëntor, 13:49 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Berat/ Shisnin vajra të përzierë për vaj ulliri bio pasi i reklamonin në rrjetet sociale, arrestohet 56 vjeçari, në kërkim i biri! Policia: Produktet e përdorura, ende të panjohura!
23 Nëntor, 10:24 -
Moti i keq në Fier/ Disa fshatra pa energji elektrike
22 Nëntor, 18:51 -
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
