Doktoresha shqiptare që iku në Itali të ndihmojë në luftën kundër COVID, vajza e mjekut të shëruar nga koronavirusi në Durrës

Ornela Gelaj është një mjeke shqiptare që punon në Itali në vijën e parë me kolegët e saj të përballjes me COVID-19 në spitalin civil të Breshias.  Ajo iu bashkua kolegëve italianë si pjesë e ekipit me 30 mjekë dhe infermierë që u nisën nga Shqipëria për të ndihmuar Italinë fqinje në betejën e saj kundër koronavirusit.

Ministrja e Shëndetësisë, Ogerta Manastirliu ka ndarë në rrjetet sociale fjalët që ka marrë nga doktoreshë Ornela.

“Unë besoj se jeta do të triumfojë, ndaj pranova menjëherë t’i bashkohem ekipit të mjekëve italianë në vijën e parë të përballjes me COVID-19. Pavarësisht vështirësive, këtu mbizotëron fryma pozitive se do t’ia dalim për ta përballuar këtë situatë” - Dr. Ornela Gelaj është pjesë e ekipit shqiptar që sot luftojnë në vijën e parë të luftës në spitalin civil të Breshias në Itali! Forca, jemi me ju", shkruan ministrja e Shëndetësisë, Ogerta Manasterliu.

Por ndërkohë, mësohet se doktoreshë Ornela është vajza e mjekut nga Durrësi i cili u konfirmua i infektuar më COVID 19 por tanimë është i shëruar dhe në gjendje shumë të mirë shëndetësore.

Ornela Gelaj

G.M./Shqiptarja.com
  • Sondazhi i ditës:

    A duhet të hapet transporti publik e ai ndërqytetas?

Komento


×

Lajmi i fundit

John

Nesër në parlament/ Shtyrja e pagesës së kësteve të tatimit mbi fitimin, heqja e taksës së infrastrukturës për rindërtimin, e kredia e re nga FMN!