Në faqen n°1241 të dokumentit diplomatik të Kombeve të Bashkuara, botuar në shtator të 1921, gjejmë telegramin revoltues të parësisë mirditore kundër Marka Gjonit dhe shpalljes së Republikës së Mirditës, ku përveç ambicieve personale të udhëheqësit mirditor, ky vendim u shërbente interesave të Serbisë dhe përçante gjithashtu kombin shqiptar. Gjithsesi, reagimi i mirditorëve (i sjellë në shqip nga Aurenc Bebja) ka qenë i menjëhershëm :
“Nga Oroshi, nëpërmjet Vlorës, më 26 shtator 1921.
Ne, kryetarët (bajraktarët) e Mirditës, të mbledhur më 22 shtator në Asamblenë e Përgjithshme në Orosh, kryeqendër e vendit tonë, kemi nderin t'ju kërkojmë që të informoni Asamblenë e Lartë për mocionin e mëposhtëm të votuar njëzëri:
Ne konsiderojmë tradhtar të atdheut tonë të ashtuquajturin Marka Gjoni, i cili, për të përmbushur ambiciet e tij personale, veproi kundër unitetit kombëtar duke shpallur në një territor të huaj Republikën e Mirditës, me qëllim shërbimit të interesave të Serbisë. Ne deklarojmë solemnisht se jemi gati, si gjithmonë, të bëjmë të gjitha sakrificat dhe të mbrojmë pavarësinë dhe integritetin e shtetit shqiptar.
Ne protestojmë vullnetarisht kundër ndërhyrjes së vazhdueshme të Serbisë në punët tona të brendshme me qëllim nxitjen e problemeve dhe favorizimin e reagimit të qëllimeve të saj imperialiste. Ne i bëjmë thirrje Asamblesë së Lartë të ndërhyjë për t'u dhënë fund këtyre intrigave ndaj sigurisë kombëtare.”
Parësia mirditore: Gjok Deda, Palica, Prenk Gjonit, Nduellesh Kola, Dod Lleshi, Ndrek Prenk Kola, Boci, Rrok Kola, Simon Marka, Kol Prendi, Nikoll Gjon Brunga, Llesh Rrok Kola, Marka Ndoc Koleci, Dre Ndoci, Zef Prendi, Marka Ndeji, Ndoc Perkulla, Marka Gjok, Ndreka Zef Çupi, Zef Nikolla, Prenk Nikolli, Ndoc Marka, Ndoc Pergjoni, Ndoc Ded Kola, Preng Marka Deda, Zef Lazer Noka, Frok Dod Prenga, Gjoni Marka Gjonit, Don Zef Skana, Don Nikolla, Don Ndre Lufi, Don Pasko Krasaniqi, Don Zef Gjonali, Pjetër Frok Ndreka, Nikoll Kol Gjoka, Prenk Gjok Doda, Pjetër Marka Ndreka, Nduc Perdoda Perdo, Ndoka Gjet Dod, Prenka Ndoc Permarka, Marka Ndoc Gjoni, Zef Nikolla Prendi, Ndoc Nikolle Gjini, Simon Prenk Marka./ Darisani
Komente
Lajme të tjera
-
Dhunoi arbitrin dhe u arratis nga dhomat e zhveshjes, arrestohet futbollisti i Mirditës! Komisioni i Disiplinës e përjashton përjetë nga futbolli
6 Maj 2021, 17:36 -
Sherr në fushën e blertë, ndërpritet ndeshja Mirdita-Sopoti! Futbollisti gjakos gjyqtarin, izolohet në dhomë, por arratiset nga dritarja
5 Maj 2021, 18:19 -
Mungon vaditja, në Mirditë 450 hektarë mbeten toka djerr! Banorët: Nuk mbjellim dot, problem që ekziston prej 20 vitesh
24 Mars 2021, 16:21 -
COVID-19 i merr jetën mësueses nga Mirdita në moshën 41-vjeçare
22 Mars 2021, 11:20
Rrofte Lidhja e Mirdites! Rrofte mbreteria e Gjonmarkajve! Rrofte Mirdita! = identiteti i shqiptareve!
PërgjigjuE vetmja krahine qe nuk u pushtua kurre as nga turqit, as nga austriaket, as nga bullgaret e as nga serbet. Prandaj dhe Kadare i quan palca kurrizore e identitetit tone shqiptar.
PërgjigjuE sakte! Ku i ka gjetur ky z.Bebja keta emra qe i servir si paria mirditore? I nieh ky historian familjet se mbanin titullin Bajraktare apo te pare = drejtues me titullin me te l'arte di fisnik mbreteror? Duket qarte qe ky artikull i tij ska lidhje me historine! Gjonmarkajve u lind e drejta ta denoncojne kete artikull te z. Bebja. Mbreti i Republikes se Mirdites eshte njohur zrtarisht nga kancelerite e Europes dhe eshte i sakte vleresimi i Kadarese se Gjonmarkajt dhe dhe mirditasit jane identiteti i shqiptareve!!